சமீபத்தில் நடந்து முடிந்த தமிழ் திரைப்பட தயாரிப்பாளர் சங்க தேர்தலில் விஷாலின் 'நம்ம அணி[' கிட்டத்தட்ட அனைத்து பதவிகளிலும் வெற்றி பெற்றது. இந்த நிலையில் புதிய நிர்வாகிகளின் பதிவேற்பு விழா நேற்று மாலை சென்னையிலுள்ள ராகவேந்திரா திருமண மண்டபத்தில் நடைபெற்றது. தமிழ்த் தாய் வாழ்த்துடன் தொடங்கிய விழாவை ரோகிணி தொகுத்து வழங்கினார்

இந்த விழாவில் பதவியேற்று கொண்ட புதிய நிர்வாகிகளுக்கு சூப்பர் ஸ்டார் ரஜினிகாந்த் வாழ்த்து கூறி தனது உதவியாளர் மூலம் கடிதம் அனுப்பியுள்ளார். அந்த கடிதத்தில் அவர் குறிப்பிட்டுள்ளதாவது:

"தமிழ் திரைப்பட தயாரிப்பாளர்கள் சங்கத் தேர்தலில் தலைவர் பதவிக்கு போட்டியிட்டு வெற்றி பெற்ற திரு.விஷால் அவர்களுக்கும், துணைத்தலைவர்கள் திரு பிரகாஷ்ராஜ், திரு கவுதம் மேனன் அவர்களுக்கும், கெளரவ செயலாளர்கள் திரு ஞானவேல்ராஜா, திரு.கதிரேசன் அவர்களுக்கும் பொருளாளர் திரு,எஸ்.ஆர்.பிரபு அவர்களுக்கும் மற்றும் செயற்குழு உறுப்பினர்களுக்கும் என் மனமார்ந்த பாராட்டுக்களை தெரிவித்து கொண்டு தயாரிப்பாளர்களின் அனைத்து தேவைகளையும் பூர்த்தி செய்ய அந்த கடவுள் உங்களோடு துணையிருக்க வேண்டுமென்று வேண்டி வாழ்த்துகிறேன்' என்று குறிப்பிட்டுள்ளார்.