நடிகர் சங்க அடிக்கல் நாட்டு விழாவில் ரஜினிகாந்த்-கமல்ஹாசன்
- IndiaGlitz, [Friday,March 31 2017]
தென்னிந்திய நடிகர் சங்கத்தின் கட்டிட அடிக்கல் நாட்டு விழா இன்று காலை முதல் நடைபெற்று வருகிறது. இந்த விழாவில் கோலிவுட் திரையுலகமே கலந்து கொண்டு விழாவினை சிறப்பித்து வருகிறது.
இந்த நிலையில் சரியாக 11.30 மணியளவில் உலக நாயகன் கமல்ஹாசன் இந்த விழாவில் கலந்து கொண்டார். நடிகர் சங்கத்திற்கு ஒரு செங்கல்லை கையுடன் கொண்டு வந்த கமல், பின்னர் செய்தியாளர்களிடம் பேசியபோது, 'நடிகர் சங்கத்தின் புதிய கட்டடம் நடிகர்களுக்குப் பெரிய கோட்டையாக அமையும் என நம்புவதாக' கூறினார்.
அதேபோல் மலேசிய பிரதமருடனான சந்திப்புக்கு பின்னர் சூப்பர் ஸ்டார் ரஜினிகாந்த் சற்று முன்னர் நடிகர் சங்க கட்டிட திறப்புவிழாவில் கலந்து கொண்டார். பின்னர் செய்தியாளர்களிடம் பேசிய அவர், 'நடிகர் சங்க கட்டிடத்தின் அடிக்கல் நாட்டு விழா வெற்றிகரமாக நடந்துள்ளது; இனி எல்லாம் வெற்றிதான்' என்று கூறினார்.