வெற்றி பெற்ற வெங்கையா நாயுடுவுக்கு ரஜினிகாந்த் வாழ்த்து.
- IndiaGlitz, [Sunday,August 06 2017]
இந்தியாவின் அடுத்த துணை குடியரசு தலைவர் யார் என்பதை முடிவு செய்யும் தேர்தல் நேற்று நடைபெற்றது. அனைத்து எம்பிக்களும் ஓட்டு போட்ட இந்த தேர்தலில் பதிவான வாக்குகள் நேற்று மாலையே எண்ணப்பட்டு இரவு முடிவுகள் அறிவிக்கப்பட்டது. இதில் பாஜக கூட்டணி கட்சியின் வேட்பாளர் வெங்கையாநாயுடு 516 வாக்குகள் பெற்று வெற்றி பெற்றார்.
இந்தியாவின் 15வது துணை குடியரசு தலைவராக பதவியேற்கவுள்ள வெங்கையா நாயுடுவுக்கு குடியரசு தலைவர் ராம்நாத் கோந்த், பாரத பிரதமர் நரேந்திரமோடி, மத்திய அமைச்சர்கள், தமிழக முதல்வர் எடப்பாடி பழனிச்சாமி உள்பட பலர் நேரிலும் தொலைபேசியிலும் வாழ்த்து தெரிவித்தனர்
இந்த நிலையில் சூப்பர் ஸ்டார் ரஜினிகாந்த் அவர்களும் தனது டுவிட்டரில் வெற்றி பெற்ற வெங்கையா நாயுடுவுக்கு தனது வாழ்த்துக்களை தெரிவித்துள்ளார். அவர் தனது டுவிட்டரில், ''மதிப்பிற்குரிய வெங்கைய நாயுடுவுக்கு மனமார்ந்த வாழ்த்துகளை தெரிவித்துக்கொள்கிறேன். மதிப்பிற்குரிய பதவிக்கு நீங்கள் தகுதியானவர்' என்று பதிவு செய்துள்ளார்.