40 வருடங்களுக்கு பின் மீண்டும் இணைந்த ரஜினி-லதா
- IndiaGlitz, [Thursday,March 30 2017]
கடந்த 70களில் எம்.ஜி.ஆர், சிவாஜி நடித்த படங்களில் நடித்து பிரபலமாக இருந்த நடிகை லதா. இவர் சூப்பர் ஸ்டார் ரஜினியுடன் 'ஆயிரம் ஜென்மங்கள்' மற்றும் 'சங்கர் சலீம் சைமன்' ஆகிய படங்களில் நடித்துள்ளார்.
இந்நிலையில் நீண்ட இடைவெளிக்கு பின்னர் லதா நடித்து வரும் திரைப்படம் 'நாகேஷ் திரையரங்கம். இந்த திரைப்படத்தின் ஃபர்ஸ்ட்லுக் மற்றும் டீசரை இன்று ரஜினிகாந்த் தனது வீட்டில் வெளியிட்டார். சற்று முன்னர் நடந்த இந்த நிகழ்ச்சியில் நடிகை லதா உள்பட படக்குழுவினர் அனைவரும் கலந்து கொண்டனர்.
ஆரி, ஆஷ்னா ஜாவேரி, லதா, சித்தாரா, மனோபாலா, காளி வெங்கட், உள்பட பலர் நடித்துள்ள இந்த படத்தை இஷாக் இயக்கியுள்ளார். ஸ்ரீ இசையமைத்துள்ள இந்த படம் வரும் ஜூன் மாதம் வெளிவரும் என்று எதிர்பார்க்கப்படுகிறது.