அஜித் பட திரைக்கதை ஆசிரியருடன் ரஜினிகாந்த் சந்திப்பு
- IndiaGlitz, [Friday,May 13 2016]
'வேதாளம்' படத்தை அடுத்து தல அஜித் நடிக்கவுள்ள அடுத்த படத்தை சிறுத்தை சிவா இயக்குகிறார் என்பது தெரிந்ததே. இந்நிலையில் இந்த படத்தை அடுத்து அஜித், விஷ்ணுவர்தன் இயக்கத்தில் சோழ பேரரசர்களின் கதையம்சம் கொண்ட படத்தில் நடிக்கவுள்ளார் என்ற செய்தி வெளிவந்தது. இந்த கதையை விஷ்ணுவர்தன் பிரபல எழுத்தாளர் பாலகுமாரனுடன் இணைந்து எழுதி வருகிறார்.
இந்நிலையில் எழுத்தாளர் பாலகுமாரன் இன்று சூப்பர் ஸ்டார் ரஜினிகாந்த் அவர்களை நேரில் சந்தித்துள்ளார். இந்த தகவலை பாலகுமாரன் தனது சமூக வலைத்தளத்தில் பகிர்ந்துள்ளார். சூப்பர்ஸ்டார் ரஜினிகாந்த் நடித்த சூப்பர் ஹிட் படமான 'பாட்ஷா' படத்திற்கு பாலகுமாரன் தான் வசனம் எழுதினார் என்பது குறிப்பிடத்தக்கது.
இந்த சந்திப்பு ஒரு மரியாதை நிமித்த சந்திப்பு என்றும் இந்த சந்திப்பில் இருவரும் இலக்கியங்கள் குறித்து விவாதித்ததாகவும் கூறப்படுகிறது. இந்த சந்திப்பின்போது பாலகுமாரனும் மனைவியும் அவரது டிரைவரும் இருந்தனர் என்பது குறிப்பிடத்தக்கது. இந்த சந்திப்பின் நேரம் இருவருக்குமே மிகுந்த சந்தோஷத்தை கொடுத்திருக்கும் என்பதில் சந்தேகம் இல்லை.