சூப்பர் ஸ்டார் ரஜினிகாந்த் நடித்து முடித்துள்ள '2.0' படத்தின் போஸ்ட் புரடொக்ஷன்ஸ் பணிகள் மற்றும் புரமோஷன் பணிகள் விறுவிறுப்பாக நடந்து வருகிறது. இந்த படத்திற்காக ஹாலிவுட்டில் பிரமாண்டமான ராட்சத பலூன் பறக்க வைத்து புரமோஷன் செய்யவும் திட்டமிடப்பட்டுள்ளது.

இந்த நிலையில் இந்த படம் வரும் 2018ஆம் ஆண்டு ஜனவரி 25ஆம் தேதி ரிலீஸ் ஆகும் என்று தயாரிப்பாளர் தரப்பில் இருந்து கூறப்பட்டது. ஆனால் தற்போது வந்துள்ள புதிய தகவலின்படி ரஜினிகாந்த் நடிப்பில் ரஞ்சித் இயக்கத்தில் உருவாகி வரும் 'காலா' திரைப்படம் வரும் ஜனவரி 15 பொங்கல் தினத்தில் வெளியிட திட்டமிடப்பட்டுள்ளதாக கூறப்படுகிறது. இந்த தகவல் உறுதியானால், '2.0' திரைப்படம் ஏப்ரல் மாதம் தமிழ்ப்புத்தாண்டு தினத்திற்கு தள்ளிப்போக வாய்ப்பு இருப்பதாக கூறப்படுகிறது.

எனினும் இதுகுறித்து இரண்டு தயாரிப்பு நிறுவனங்களின் அதிகாரபூர்வ அறிவிப்பை அடுத்தே இந்த தகவல் உறுதி செய்யப்படும். எது எப்படியோ, அடுத்த ஆண்டு இரண்டு ரஜினி படங்கள் வெளியாவது உறுதி என்பது மட்டும் உண்மை என்பதால் ரஜினி ரசிகர்கள் இரட்டை சந்தோஷத்தில் உள்ளனர்.