ஒன்றா இரண்டா? '2.0' படத்தில் எத்தனை பாடல்கள்?
- IndiaGlitz, [Thursday,June 08 2017]
சூப்பர் ஸ்டார் ரஜினிகாந்த் நடிப்பில் பிரமாண்ட இயக்குனர் ஷங்கர் இயக்கத்தில் லைகா நிறுவனத்தின் பிரமாண்டமான தயாரிப்பில் உருவாகி வரும் '2.0' படத்தின் படப்பிடிப்புகள் சமீபத்தில் முடிவடைந்து தற்போது கிராபிக்ஸ் மற்றும் போஸ்ட் புரடொக்சன்ஸ் பணிகள் நடைபெற்று வருகிறது. இந்த படம் அடுத்த வருடம் ஜனவரி 25ஆம் தேதி வெளியிட திட்டமிடப்பட்டுள்ளது.
இந்த நிலையில் இந்த படத்தின் விறுவிறுப்பான திரைக்கதை காரணமாக ஒரே ஒரு பாடல் மட்டுமே இடம்பெற்றுள்ளது என்று கடந்த சில நாட்களுக்கு முன் தகவல்கள் வெளிவந்தது. ஆனால் இந்த படத்திற்காக இசையமைப்பாளர் ஏ.ஆர்.ரஹ்மான் இரண்டு பாடல்கள் கம்போஸ் செய்து கொடுத்துள்ளதாகவும் ஒரு செய்தி வெளியானது
எனவே இந்த படத்தில் ஒரு பாடலா? அல்லது இரண்டு பாடல்களா? என்று ரசிகர்களிடையே குழப்பம் ஏற்பட்டது. இந்நிலையில் இந்த படத்திற்காக இரண்டு பாடல்கள் கம்போஸ் செய்யப்பட்டு படமாக்கப்பட்டது உண்மைதான் என்றும் ஆனால் படத்தின் நீளம் கருதியும் விறுவிறுப்பு கருதியும் ஒரு பாடலாக குறைக்கப்பட்டது என்றும் படக்குழுவினர் தெரிவித்துள்ளனர்.
ரஜினிகாந்த், எமிஜாக்சன், அக்சயகுமார் உள்பட பலர் நடித்து வரும் நடித்து வரும் இந்த படத்திற்கு நீரவ் ஷா ஒளிப்பதிவும், அந்தோணி படத்தொகுப்பு பணியும் செய்கின்றனர். ஏ.ஆர்.ரஹ்மானின் இசையில் உருவாகி வரும் இந்த படம் இந்திய அளவில் மட்டுமின்றி உலக அளவிலும் பெரும் எதிர்பார்ப்பை ஏற்படுத்தியுள்ள ஒரு படம் என்பது குறிப்பிடத்தக்கது.