சிவகார்த்திகேயனின் 'ரெமோ'வுக்கு கிடைத்த உச்சகட்ட பாராட்டு
- IndiaGlitz, [Wednesday,October 19 2016]
கடந்த ஆயுத பூஜை தினத்தில் வெளியான சிவகார்த்திகேயன், கீர்த்திசுரேஷ் நடித்த 'ரெமோ' இரண்டாவது வாரத்தையும் கடந்து நல்ல வசூலை பெற்று தந்து கொண்டிருக்கின்றது.
அனைத்து தரப்பினர்களையும் கவர்ந்த இந்த படத்தை தற்போது சூப்பர் ஸ்டார் ரஜினிகாந்த் அவர்கள் பார்த்துள்ளார். பின்னர் சிவகார்த்திகேயன் மற்றும் ஆர்.டி.ராஜாவை போன் மூலம் அழைத்து இருவருக்கும் தனது பாராட்டுக்களையும் வாழ்த்துக்களையும் தெரிவித்துள்ளார்.
இந்த தகவலை ஆர்.டி.ராஜா தனது சமூக வலைத்தளத்தில் தெரிவித்துள்ளார். சூப்பர் ஸ்டார் ரஜினியின் தீவிர ரசிகனான தனக்கு அவர் தெரிவித்த வாழ்த்து, தனது கடின உழைப்புக்கு கிடைத்த மிகப்பெரிய கெளரவமாக கருதுவதாக தெரிவித்துள்ளார்.
மேலும் சிறுவயதில் இருந்தே ரஜினியின் ரசிகராக இருந்து வரும் சிவகார்த்திகேயனுக்கு இதைவிட வேறு பெரிய விருது தேவையில்லை என்றே கூறப்படுகிறது.