அடுத்தகட்ட ரசிகர்கள் சந்திப்பு எப்போது? ரஜினிகாந்த்
- IndiaGlitz, [Thursday,May 18 2017]
சூப்பர் ஸ்டார் ரஜினிகாந்த் தனது ரசிகர்களை கடந்த 15ஆம் தேதியில் இருந்து சந்தித்து புகைப்படம் எடுத்து வருகிறார். இந்த சந்திப்பு இன்று மூன்றாவது நாளாகவும் தொடர்ந்தது. இன்றைய சந்திப்புக்கு முன்னர் செய்தியாளர்களை சந்தித்த ரஜினிகாந்த் கூறியதாவது:
நான் ரசிகர்களை சந்திப்பதும், அவர்கள் என்னை சந்திப்பதும் இருதரப்பினர்களுக்குமே இன்ப அதிர்ச்சியாக உள்ளது. பழைய ரசிகர்கள் போலவே இன்றைய இளையதலைமுறை ரசிகர்களும் துடிப்புடனும் ஆர்வமாகவும் இருந்ததை பார்க்கும்போது சந்தோஷமாக இருந்தது.
இந்த சந்திப்பு இவ்வளவு சீக்கிரம் முடியப்போகிறது என்பதை நினைக்கும்போது வருத்தமாக உள்ளது. ஆனால் அதே நேரத்தில் வெகுவிரைவில் அடுத்தகட்ட, அதாவது மீதியுள்ள 18 மாவட்ட ரசிகர்களுடனான சந்திப்பு குறித்த தேதி அறிவிக்கப்படும் என்பதை உறுதி கூறுகிறேன். நான் ரசிகர்களிடம் எப்போதும் கூறுவதை போல குடும்பத்தையும் உடம்பையும் கவனமாக பார்த்து கொள்ளுங்கள், கெட்ட பழக்கத்தை கைவிடுங்கள் என்பதுதான்'இவ்வாறு ரஜினிகாந்த் தனது பேட்டியில் கூறினார். மேலும் ரஜினி-ரசிகர்களின் சந்திப்பு நாளையுடன் முடிவடைகிறது என்பது குறிப்பிடத்தக்கது.