சிவகார்த்திகேயனை தெளிவாக்கிய ரஜினியின் அட்வைஸ்
- IndiaGlitz, [Friday,October 14 2016]
சிவகார்த்திகேயன் நடித்த 'ரெமோ' படத்தின் வசூல் சாதனை ஏற்படுத்திய பரபரப்பை விட நன்றி விழாவில் அவர் சிந்திய கண்ணீர் கோலிவுட் திரையுலகில் பெரும் தாக்கத்தை ஏற்படுத்தியுள்ளது.
சிவகார்த்திகேயனுக்கு சிம்புவும், விஷாலும் வெளிப்படையாகவே ஆதரவு தெரிவிக்க, பல முன்னணி நட்சத்திரங்கள் அவருக்கு போன் மூலம் தங்கள் ஆதரவை தெரிவித்ததோடு, அவருக்கு ஆறுதலும் கூறியுள்ளதாக தகவல்கள் வெளிவந்துள்ளது.
இந்நிலையில் சிவகார்த்திகேயனிடம் போனில் ரஜினிகாந்த் பேசியதாகவும், இதுபோன்ற பிரச்சனைகளை நினைத்து நினைத்து கவலைப்படாமல் உடனே மறந்துவிட வேண்டும் என்றும் அவ்வாறு மறக்க முடியவில்லை என்றால் குடும்பத்துடன் ஒரு பத்து நாட்களுக்கு வெளிநாடு சென்று திரும்பி வாருங்கள் என்றும் வந்த பின்னர் அனைத்தும் சரியாகிவிடும் என்றும் ஆறுதல் சொல்லியதாக கூறப்படுகிறது., ரஜினியின் ஆறுதல் வார்த்தைக்கு பின்னர் சிவகார்த்திகேயன் தற்போது தெளிவாக இருப்பதாக கூறப்படுகிறது