'கபாலி'யால் கிடைத்த லாபம் எவ்வளவு? விரிவான தகவல்
- IndiaGlitz, [Monday,August 01 2016]
சூப்பர் ஸ்டார் ரஜினிகாந்த் நடிப்பில் ரஞ்சித் இயக்கிய 'கபாலி' திரைப்படம் இரண்டாவது வாரமாக சூப்பர் ஹிட் வசூல் பெற்று வரும் நிலையில் இந்த படத்தின் தமிழக வசூல் ரூ.70 கோடி என தகவல்கள் வெளிவந்துள்ளது. இந்த படத்தின் வசூலில் 75% தயாரிப்பாளருக்கும், 25% தியேட்டர் உரிமையாளர்களுக்கும் என்ற ஒப்பந்தத்தில்தான் வெளியானது. எனவே இந்த படத்தின் வசூலில் சுமார் ரூ.51 கோடி தயாரிப்பாளருக்கும் மீதி திரையரங்க உரிமையாளர்களுக்கும் கிடைத்துள்ளது.
எம்ஜி ஒப்பந்தத்தின்படி இல்லாமல் 75-25 என்ற ஒப்பந்தத்தில் திரையரங்க உரிமையாளர்கள் 'கபாலி' படத்தை திரையிட்ட போதிலும் திரையரங்கு உரிமையாளர்களுக்கு நல்ல லாபம் கிடைத்துள்ளதாகவும், எந்திரன்' படத்தை அடுத்து தயாரிப்பாளர், திரையரங்க உரிமையாளர்கள் ஆகியோர்களுக்கு அதிக லாபம் கொடுத்த படமாக 'கபாலி' அமைந்துள்ளதாகவும் செய்திகள் வெளிவந்துள்ளது.
மேலும் இந்த படம் இரண்டாவது வாரத்தையும் தாண்டி நல்ல வசூல் தந்து கொண்டிருக்கின்றது. குறிப்பாக குடும்ப ஆடியன்ஸ்கள் கூட்டம் கூட்டமாக வருவதால் இந்த படத்தின் வசூல் இன்னும் பல சாதனைகளை ஏற்படுத்தும் என்று எதிர்பார்க்கப்படுகிறது.