'கபாலி'யின் மூன்றாவது வாரம் சென்னை வசூல்
- IndiaGlitz, [Monday,August 08 2016]
சூப்பர் ஸ்டார் ரஜினிகாந்த் நடித்த 'கபாலி திரைப்படம் கடந்த மாதம் 22ஆம் தேதி வெளியாகி வசூலில் உலக அளவில் பல சாதனைகளை செய்து கொண்டு வருகிறது. இந்நிலையில் சென்னையில் இந்த படத்தின் இதுநாள் வரையிலான வசூல் குறித்த ஒரு தகவலை தற்போது பார்ப்போம்.
ஆகஸ்ட் 5ஆம் தேதி முதல் 7ஆம் தேதி வரையிலான வார இறுதி நாட்களில் சென்னையில் 'கபாலி' திரைப்படம் 18 திரையரங்க வளாகங்களில் 215 காட்சிகள் திரையிடப்பட்டு ரூ.70,15,270 வசூல் செய்துள்ளது. திரையரங்குகளில் 85% பார்வையாளர்கள் இருந்தனர் என்பது குறிப்பிடத்தக்கது.
அதேபோல் சென்னையில் இந்த படம் வெளியான ஜூன் 22ஆம் தேதி முதல் நேற்று வரை மொத்தம் ரூ.11,06,64,060 வசூல் செய்துள்ளது. கடந்த வெள்ளியன்று ஒருசில புதிய படங்கள் ரிலீஸ் ஆனபோதிலும் 'கபாலி' வசூல் திருப்திகரமாக இருப்பதாகவும், மூன்று வாரங்களில் சென்னையில் மிக அதிகமான வசூல் செய்த படம் என்ற பெருமையை 'கபாலி' பெற்றுள்ளதாகவும் செய்திகள் வெளியாகியுள்ளது.