ప‌ర‌శురామ్ పేరు విన‌గానే యువ‌త, సోలో, సారొచ్చారు, గీత గోవిందం సినిమాలు వెంట‌నే గుర్తుకొచ్చేస్తాయి. శ్రీర‌స్తు శుభ‌మ‌స్తు త‌ర్వాత ఆయ‌న గీతా ఆర్ట్స్ లో చేసిన గీత గోవిందం 100 కోట్ల క్ల‌బ్‌కు వెళ్లి, విజ‌య్ దేవ‌ర‌కొండ‌కు స్టార్ ఇమేజ్ తెచ్చిపెట్టింది. ప‌ర‌శురామ్ సినిమాల్లో ఎక్క‌డో అంత‌రిక్షం నుంచి తెచ్చిపెట్టిన అంశాలుండ‌వు.

మ‌న కుటుంబాలు, మ‌న కుటుంబాల విలువ‌లు, చిన్న చిన్న ఎమోష‌న్స్, వాటి తాలూకు రిఫ్లెక్ష‌న్స్ ప్ర‌ధానంగా ఉంటాయి. అవ‌న్నీ ప‌ర‌శురామ్‌కున్న బ‌లాలు. ఆ బలాల‌ను గ‌ట్టిగా ప‌ట్టుకుని ఓ మాంచి స్టోరీని సిద్ధం చేసుకున్నార‌ట ప‌ర‌శురామ్‌. ఈ క‌థ మ‌హేష్‌కు బాగా న‌చ్చింద‌ట‌. వెంట‌నే డెవ‌ల‌ప్ చేయ‌మ‌ని చెప్పార‌ట‌. కామెడీ ట‌చ్ కూడా జోడించ‌మ‌ని స‌ల‌హా ఇచ్చార‌ట‌.

ప్ర‌స్తుతం ఆ ప‌ని మీద ఉన్నారు ప‌ర‌శురామ్‌. మ‌హేష్ ప్ర‌స్తుతం మ‌హ‌ర్షిలో న‌టిస్తున్నారు. ఈ సినిమా త‌ర్వాత అనిల్ రావిపూడి చిత్రం ఉంటుంది. అందులో ఎలాగూ కామెడీ ఉంటుంది. ఆ త‌ర్వాత వ‌చ్చే సినిమా ఎమోష‌న‌ల్ కామెడీ త‌ర‌హాలో ఉండాల‌న్న‌ది మ‌హేష్ ఒపీనియ‌న్ అయి ఉంటుంది.