சூப்பர் ஸ்டார் ரஜினிகாந்த் நடிப்பில், சிறுத்தை சிவா இயக்கத்தில் உருவான ‘அண்ணாத்த’ திரைப்படத்தின் படப்பிடிப்பு சமீபத்தில் முடிவடைந்தது என்பதும் இந்த படத்தின் போஸ்ட் புரொடக்ஷன் பணிகள் தற்போது விறுவிறுப்பாக நடைபெற்று வருகிறது என்பது தெரிந்ததே.

இந்த நிலையில் இன்று மாலை 6 மணிக்கு ரஜினிகாந்த், நயன்தாரா நடித்த ’சார சார காற்றே’ என்ற பாடல் வெளியாகும் என சன் பிக்சர்ஸ் நிறுவனம் ஏற்கனவே அறிவித்துள்ள நிலையில் சற்றுமுன் இந்த பாடல் வெளியாகியுள்ளது.

சார சார காற்றே
பொங்கி வழிகிறதே சந்தோச ஊற்றே

சார சார காற்றே
அன்பை பொழிகிறதே ஆனந்தக் கீற்றே

சடசடன்னு கண்ரெண்டும் தேன் தூவ
நனைகிறதே என் ஆயுள் ரேகையே

படபடவென கைகள் ரெண்டும் சீராட்ட
விழுகிறதே நம் தோளில் மாலையே

பச்சை மனது பால்நிறம்
அன்பில் சிவந்து போகுதே

சற்றே இருண்ட வானிலை
உன்னழகை கண்டதுமே மின்னொளி பெறுதே

ஆகிய வரிகளுடன் தொடங்கும் இந்த பாடல் முதல்முறை கேட்கும்போதே மனதை சுண்டி இழுத்துள்ளது என்பது குறிப்பிடத்தக்கது. சித்ஸ்ரீராம் மற்றும் ஸ்ரேயா கோஷல் பாடிய இந்த பாடலை யுகபாரதி எழுதியுள்ளார் என்பதும், இந்த மெலடி பாடலை டி.இமான் கம்போஸ் செய்துள்ளார் என்பதும் குறிப்பிடத்தக்கது.