அமெரிக்க ரசிகர்களுடன் சூப்பர் ஸ்டார்: அட்டகாசமான புகைப்படங்கள்!
- IndiaGlitz, [Wednesday,June 30 2021]
சூப்பர் ஸ்டார் ரஜினிகாந்த் அவர்கள் கடந்த சில நாட்களுக்கு முன்னர் அமெரிக்கா சென்றார் என்பதும் அங்கு அவர் சில நாட்கள் தங்கியிருந்து மருத்துவ பரிசோதனை செய்த பின்னர் சென்னை திரும்புவார் என்றும் கூறப்பட்டது
இந்த நிலையில் கடந்த இரண்டு நாட்களுக்கு முன்னர் அமெரிக்காவில் உள்ள மயோ என்ற மருத்துவமனையில் இருந்து ரஜினிகாந்த் மற்றும் அவரது மகள் ஐஸ்வர்யா வெளியே வரும் போது எடுக்கப்பட்ட புகைப்படம் மிகப்பெரிய அளவில் சமூக வலைதளங்களில் வைரல் ஆனது என்பதை பார்த்தோம்.
இந்த நிலையில் ரஜினிகாந்த் தங்கியிருக்கும் இடத்தில் ரசிகர் ஒருவர் அவரை சந்தித்து உள்ள புகைப்படம் சற்றுமுன் வைரலாகி வருகிறது. அமெரிக்காவை சேர்ந்த கல்யாணசுந்தரம் என்ற ரசிகர் தனது இன்ஸ்டாகிராமில் ரஜினியுடன் எடுத்துக் கொண்ட புகைப்படங்களை பதிவு செய்துள்ள நிலையில் இந்த புகைப்படங்களை ரஜினி ரசிகர்கள் சமூக வலைதளங்களில் பகிர்ந்து வருகின்றனர் என்பது குறிப்பிடத்தக்கது.