சூப்பர் ஸ்டார் ரஜினிகாந்த் பாராட்டிய படம்: 'வாழ்நாள் அற்புதம்' என நடிகர் நெகிழ்ச்சி!
- IndiaGlitz, [Wednesday,April 13 2022]
சமீபத்தில் வெளியாகி பெரும் வரவேற்பை பெற்ற திரைப்படத்தை சூப்பர் ஸ்டார் ரஜினிகாந்த் அவர்கள் பாராட்டிய நிலையில் அந்த படத்தின் ஹீரோ தனது வாழ்நாள் அற்புதம் என நெகிழ்ச்சியுடன் பதிவு செய்துள்ளார்.
நடிகர் விக்ரம் பிரபு நடித்த ’டாணக்காரன்’ என்ற திரைப்படம் சமீபத்தில் ஹாட்ஸ்டார் ஓடிடியில் ரிலீஸ் ஆனது. இந்த படம் பெரும் வரவேற்பை பெற்றது என்பதும் ரசிகர்கள் மட்டுமின்றி திரையுலக பிரமுகர்கள் பலர் இந்த படத்தை பார்த்து கொண்டாடி வருகின்றனர் என்பதும் குறிப்பிடத்தக்கது. விக்ரம் பிரபு திரையுலக வாழ்க்கையில் இந்த படம் ஒரு திருப்புமுனையை ஏற்படுத்தியுள்ளது என்று கூறினால் அது மிகையாகாது.
இந்த நிலையில் இந்த படத்தை பார்த்த சூப்பர் ஸ்டார் ரஜினிகாந்த் அவர்கள் விக்ரம் பிரபுவுக்கு போன் செய்து தனது வாழ்த்தையும் பாராட்டையும் தெரிவித்துள்ளார். இது குறித்து விக்ரம் பிரபு தனது சமூக வலைத்தளத்தில், ‘சூப்பர் ஸ்டார் அவர்களிடமிருந்து வந்த அழைப்பில் கிடைத்த பாராட்டு தனது வாழ்நாள் அற்புதம் என்றும் தான் கனவில் கூட நினைத்து பார்க்காத ஒரு அற்புதம் என்றும் குறிப்பிட்டுள்ளார். அவரது இந்த பதிவு தற்போது வைரலாகி வருகிறது.
What a great feeling it is to get a call of appreciation for my performance by #Superstar himself?? Achieved something I didn’t dare to dream. Guess following your passion creates such wonderful events in life????
— Vikram Prabhu (@iamVikramPrabhu) April 13, 2022
Also to #Taanakkaran team “Hats off! God Bless!”❤️???? #தமிழ் pic.twitter.com/pbDPzrbWus