பதக்கம் வென்ற வீரர்களுக்கு பாராட்டு தெரிவித்த சூப்பர் ஸ்டார்
- IndiaGlitz, [Sunday,September 11 2016]
சூப்பர் ஸ்டார் ரஜினிகாந்த் அவர்களின் அதிகாரபூர்வ சமூக வலைத்தளத்தில் அவர் மிக அரிதாகவே ஒருசில கருத்துக்களை பதிவு செய்வார் என்பது தெரிந்ததே. சமீபத்தில் ஒலிம்பிக் பேட்மிண்டன் போட்டியில் வெள்ளி வென்ற பி.வி.சிந்துவை வாழ்த்தியும், செவாலியே விருது பெற்ற கமல்ஹாசனுக்கு வாழ்த்து தெரிவித்தும் பதிவு செய்திருந்தார்.
இந்நிலையில் நேற்று பாரா ஒலிம்பிக் போட்டியில் உயரம் தாண்டுதல் போட்டியில் தங்கம் வென்ற தமிழக வீரர் மாரியப்பன் தங்கவேலுவுக்கும், அதே பிரிவில் வெண்கலம் வென்ற வருண்சிங் அவர்களுக்கும் வாழ்த்து தெரிவித்து ரஜினிகாந்த் தனது சமூக வலைத்தளத்தில் ஒரு பதிவை பதிவு செய்துள்ளார்.
ஏற்கனவே மாரியப்பன் தங்கவேலுக்கு இளையதளபதி விஜய் தனது சமூக வலைத்தளத்தில் வாழ்த்து தெரிவித்த நிலையில் தற்போது சூப்பர் ஸ்டாரும் வாழ்த்து தெரிவித்துள்ளார். மேலும் பல கோலிவுட் பிரபலங்கள் மாரியப்பன் தங்கவேலுக்கு பாராட்டு தெரிவித்து வருகின்றனர் என்பது குறிப்பிடத்தக்கது.
Many Congratulations on your medals at the #Paralympics #MariyappanThangavelu & #VarunBhati
— Rajinikanth (@superstarrajini) September 10, 2016