முன்னாள் முதல்வர் ஜெயலலிதாவின் வாழ்க்கை வரலாறு திரைப்படமான ‘தலைவி’ திரைப்படம் சமீபத்தில் வெளியானது என்பதும் தமிழ், தெலுங்கு, மலையாளம், ஹிந்தி ஆகிய மொழிகளில் திரையரங்குகளில் வெளியான இந்த படத்திற்கு நல்ல வரவேற்பு கிடைத்து வருகிறது என்பது குறிப்பிடத்தக்கது.

இந்த படத்தின் கதை ஜெயலலிதாவின் உண்மையான வாழ்க்கை வரலாற்றை திரித்துக் கூறியிருப்பதாக ஒரு சிலர் எதிர்ப்பு தெரிவித்த போதிலும் மேக்கிங் மற்றும் திரைக்கதை சிறப்பாக இருப்பதாகவும் குறிப்பாக படத்தின் கிளைமாக்ஸ் மிக அருமையாக இருப்பதாகவும் அனைவரும் பாராட்டு தெரிவித்து வருகின்றனர்.

இந்த நிலையில் சூப்பர் ஸ்டார் ரஜினிகாந்த் அவர்களுக்கு ‘தலைவி’ திரைப்படம் சிறப்பு காட்சியை திரையிடப்பட்டதாகவும் ‘தலைவி’ படத்தை பார்த்த ரஜினிகாந்த், இயக்குனர் விஜய் அவர்களுக்கு போன் செய்து தனது வாழ்த்துக்களை தெரிவித்ததாகவும் அதுமட்டுமின்றி படக்குழுவினர் அனைவருக்கும் எனது வாழ்த்துக்கள் என்று கூறியதாகவும் தகவல்கள் வெளிவந்துள்ளன.