நடிகை மீனாவின் கணவர் வித்யாசாகர் நேற்று காலமான நிலையில் அவரது உடலுக்கு சூப்பர் ஸ்டார் ரஜினிகாந்த் அவர்கள் சற்று முன்னர் அஞ்சலி செலுத்தியுள்ளார்.

நடிகை மீனாவின் கணவர் வித்யாசாகர் நுரையீரல் பாதிப்பு காரணமாக சிகிச்சை பெற்று வந்த நிலையில் சிகிச்சையின் பலனின்றி நேற்று இரவு 7 மணிக்கு தனியார் மருத்துவமனையில் காலமானார்.

அவரது இறுதிச்சடங்கு பெசண்ட் நகர் மயானத்தில் இன்று மாலை நடைபெறவுள்ள நிலையில் அவரது உடல் பொதுமக்கள் அஞ்சலி செலுத்துவதற்காக அவரது வீட்டில் வைக்கப்பட்டுள்ளது.

இந்த நிலையில் மீனாவின் கணவர் உடலுக்கு ஏராளமான பொதுமக்கள் அஞ்சலி செலுத்தி வரும் நிலையில் சூப்பர் ஸ்டார் ரஜினிகாந்த் அவர்கள் சற்றுமுன் மீனாவின் வீட்டிற்கு சென்று வித்யாசாகர் உடலுக்கு தனது இறுதி அஞ்சலியை செலுத்தினார். மேலும் சரத்குமார், நிழல்கள் ரவி, குஷ்பூ உள்ளிட்டோர் மீனா கணவர் வித்யாசாகர் உடலுக்கு நேரில் அஞ்சலி செலுத்தினர்.

சூப்பர் ஸ்டார் ரஜினியுடன் நடிகை மீனா ’முத்து’ ’எஜமான்’ ‘அண்ணாத்த’ உள்ளிட்ட படங்களில் நடித்துள்ளார் என்பது குறிப்பிடத்தக்கது.