சென்னை திரும்பிய ரஜினிகாந்த் அளித்த ஒருநிமிட பேட்டி!
- IndiaGlitz, [Tuesday,January 07 2020]
சூப்பர் ஸ்டார் ரஜினிகாந்த் நடிப்பில், ஏஆர் முருகதாஸ் இயக்கத்தில் உருவான ’தர்பார் திரைப்படம் நாளை உலகம் முழுவதும் பிரமாண்டமாக வெளியாகவுள்ளது. இந்த படத்திற்கான முதல் மூன்று நாட்களுக்கான டிக்கெட்டுக்களின் முன்பதிவு ஏற்கனவே முடிந்துவிட்டதாக கூறப்பட்டு வரும் நிலையில் மிகப்பெரிய ஓப்பனிங் இந்த படத்திற்கு கிடைக்கும் என எதிர்பார்க்கப்படுகிறது.
இந்த நிலையில் ரஜினிகாந்த் கடந்த சில நாட்களாக ஹைதராபாத்தில் உள்ள ராமோஜிராவ் பிலிம் சிட்டியில் ’தலைவர் 168’ படத்தின் படப்பிடிப்பில் இருந்தார். இந்த படத்தின் அறிமுக பாடல் காட்சி படமாக்கப்பட்டதாக கூறப்பட்டு வந்த நிலையில் இந்த படத்தின் முதல்கட்ட படப்பிடிப்பு முடிவடைந்ததை அடுத்து இன்று காலை அவர் சென்னை திரும்பினார்
ரஜினிகாந்த் வருவதை அறிந்த பத்திரிகையாளர்கள் அவரது பேட்டிக்காக நீண்ட நேரம் காத்திருந்தனர். ரஜினிகாந்த் நேராக பத்திரிகையாளர்கள் நோக்கி வந்து ’அனைவருக்கும் என்னுடைய அன்பான பொங்கல் வாழ்த்துக்கள்’ என்று ஒரே ஒரு நிமிடம் மட்டுமே பேட்டி கொடுத்து விட்டு திரும்பி விட்டார். இருப்பினும் விரைவில் அவர் செய்தியாளர்களுக்கு விரிவான பேட்டி ஒன்றை அளிப்பார் என எதிர்பார்க்கப்படுகிறது
சென்னை திரும்பினார் ரஜினி pic.twitter.com/8A4QKMidr5
— meenakshisundaram (@meenakshicinema) January 8, 2020