'தலைவர் 170' பட லுக் இதுவா? சூப்பர் ஸ்டார் ரஜினியின் லேட்டஸ்ட் புகைப்படம் வைரல்..!
- IndiaGlitz, [Thursday,August 03 2023]
சூப்பர் ஸ்டார் ரஜினிகாந்த் நடித்த 'ஜெயிலர்’ திரைப்படம் வரும் ஆகஸ்ட் 10ஆம் தேதி வெளியாக இருக்கும் நிலையில் அடுத்ததாக அவர் ’ஜெய்பீம்’ பட இயக்குனர் ஞானவேலு இயக்கத்தில் நடிக்க உள்ளார்.
‘தலைவர் 170’ என்ற இந்த படத்தை லைகா நிறுவனம் தயாரிக்க உள்ளது என்பதும் இந்த படத்தின் படப்பிடிப்பு விரைவில் தொடங்க உள்ளது என்பது குறிப்பிடத்தக்கது.
இந்த நிலையில் இந்த படத்தின் சிறப்பு தோற்றத்தில் பாலிவுட் சூப்பர் ஸ்டார் அமிதாப் பச்சன் நடிக்க இருப்பதாக தகவல் வெளியானது. அதேபோல் இந்த படத்தில் பிரபல தெலுங்கு நடிகர் நானி நடிக்க இருப்பதாகவும் அவருடைய கேரக்டர் 10 நிமிடங்கள் வரும் வகையில் சிறப்பு தோற்றமாக இருக்கும் என எதிர்பார்க்கப்படுகிறது.
இந்த நிலையில் ரஜினியின் புதிய ஸ்டில் ஒன்று தற்போது இணையத்தில் வெளியாகி வைரல் ஆகி வருகிறது. அதில் ரஜினியை தாடி ட்ரிம் செய்து அட்டகாசமான தோற்றத்தில் இருக்கிறார் என்பதும் இதுதான் ’தலைவர் 170’ படத்தின் லுக் என்று கூறப்பட்டு வருகிறது. இந்த புகைப்படத்தை ரஜினி ரசிகர்கள் இணையத்தில் பகிர்ந்து வருகின்றனர்.