சூப்பர் ஸ்டார் ரஜினிகாந்த் நடித்து வரும் 170 வது திரைப்படத்தின் டைட்டில் ’வேட்டையன்’ என்ற அறிவிப்பை லைகா நிறுவனம் சற்று முன் வெளியிட்ட நிலையில் அவர் நடித்துவரும் இன்னொரு திரைப்படமான ’லால் சலாம்’ படத்தின் பிறந்தநாள் வாழ்த்து வீடியோவை லைக்கா நிறுவனம் வெளியிட்டுள்ளது.

இந்த வீடியோவில் ரஜினிகாந்த், மொய்தீன் பாய் என்ற மாஸ் லுக் உடன் இருக்கும் காட்சிகள், அதிரடி ஆக்சன் காட்சிகள் இருப்பதை எடுத்து ரஜினி ரசிகர்களுக்கு இந்த வீடியோ இரண்டாவது விருந்தாக கருதப்படுகிறது.

இசைப்புயல் ஏஆர் ரகுமானின் இசையில் ஐஸ்வர்யா ரஜினிகாந்த் இயக்கத்தில் உருவாகி இருக்கும் இந்த படத்தின் பிறந்தநாள் வீடியோ படத்தின் எதிர்பார்ப்பை அதிகரித்து உள்ளது என்பது குறிப்பிடத்தக்கது.

ரஜினிகாந்த் சிறப்பு தோட்டத்தில் நடித்திருந்தாலும், முக்கிய காட்சிகளில் குறிப்பாக ஆக்சன் காட்சிகளில் அசத்தி இருப்பார் என்பது இந்த வீடியோவில் இருந்து தெரிய வருகிறது. மொத்தத்தில் ரஜினியை மாஸ் ஆக காண்பிப்பதில் ஐஸ்வர்யா ரஜினிகாந்த் மற்றும் ஞானவேல் ஆகிய இருவரும் போட்டி போட்டுக் கொண்டு தங்கள் படத்தை இயக்கி உள்ளனர் என்பது இன்று வெளியான இரண்டு வீடியோவில் இருந்து தெரிய வருகிறது.