சூப்பர் ஸ்டார் ரஜினிகாந்த் நடித்த ‘அண்ணாத்த’ திரைப்படத்தின் படப்பிடிப்பு முடிவடைந்த நிலையில் இந்த படம் தீபாவளிக்கு ரிலீசாகும் என ஏற்கனவே உறுதி செய்யப்பட்டு இருந்தது. ஒரு சிலர் தீபாவளிக்கு இந்த படம் ரிலீஸ் ஆகாது என்றும் பொங்கலுக்கு ரிலீசாகும் என்று வதந்தியைப் பரப்பினாலும் சன் பிக்சர்ஸ் நிறுவனம் தொடர்ந்து தீபாவளி ரிலீஸ் என்பதை உறுதி செய்து வருகிறது என்பது குறிப்பிடத்தக்கது.

இந்த நிலையில் சற்று முன்னர் ‘அண்ணாத்த’ படத்தின் சிங்கிள் பாடல் அக்டோபர் 4ஆம் தேதி மாலை 6 மணிக்கு வெளியாகும் என அறிவிக்கப்பட்டுள்ளது. இந்த பாடலை மறைந்த பிரபல பின்னணி பாடகர் எஸ்பி பாலசுப்பிரமணியம் அவர்கள் பாடிய இருப்பதாகவும் அறிவிக்கப்பட்டுள்ளது என்பதும், இந்த பாடல் அவர் பாடிய கடைசி பாடல் என்பதும் குறிப்பிடத்தக்கது.

மேலும் இதுகுறித்த சிறப்பு போஸ்டர் ஒன்றை சன் பிக்சர்ஸ் நிறுவனம் வெளியிட்டுள்ள நிலையில் அந்த போஸ்டரிலும், ‘அண்ணாத்த’ படம் தீபாவளி அன்று வெளியாகும் என்பதை உறுதி செய்துள்ளது என்பது குறிப்பிடத்தக்கது.

ரஜினிகாந்த், மீனா, குஷ்பு, நயன்தாரா, கீர்த்தி சுரேஷ், ஜாக்கி ஷெராப், ஜெகபதி பாபு, பிரகாஷ்ராஜ், வேல ராமமூர்த்தி, சூரி, சதீஷ் உள்பட பலர் நடித்துள்ள இந்த படத்திற்கு டி. இமான் இசையமத்து வருகிறார். வெற்றி ஒளிப்பதிவில் ரூபன் படத்தொகுப்பில் உருவாகி வரும் இந்த படத்தை சன் பிக்சர்ஸ் நிறுவனம் பிரமாண்டமாக தயாரித்துள்ளது.

#AnnaattheFirstSingle sung by the legendary Padma Vibhushan Thiru #SPBalasubrahmanyam is releasing on October 4th at 6 PM ! @rajinikanth @directorsiva #Nayanthara @KeerthyOfficial @immancomposer @Viveka_Lyrics @AntonyLRuben @dhilipaction @vetrivisuals #Annaatthe pic.twitter.com/GwMnuBGiqQ

— Sun Pictures (@sunpictures) October 1, 2021