ரஜினிகாந்த் நண்பரின் மகன் திருமணம்.. முன்னாள் அமைச்சரின் மகள் தான் மணமகளா?
- IndiaGlitz, [Sunday,March 05 2023]
சூப்பர் ஸ்டார் ரஜினிகாந்தின் நெருங்கிய நண்பர்களில் ஒருவரின் மகனுக்கு திருமணம் நடந்துள்ள நிலையில் அவரை மணந்துள்ளவர் முன்னாள் அமைச்சரின் மகள் என்பது தெரியவந்துள்ளது.
சூப்பர் ஸ்டார் ரஜினிகாந்தின் நெருங்கிய நண்பர்களில் ஒருவர் பிரபல தெலுங்கு நடிகர் மோகன் பாபு என்பது தெரிந்தது. இவருடைய மகன் மஞ்சு மனோஜ் மற்றும் பூமா மௌனிகா திருமணம் நேற்று நடந்த நிலையில் இந்த திருமணத்தின் புகைப்படங்கள் இணையதளங்களில் வைரலாக வருகிறது. மணமகள் பூமா மௌனிகா மறைந்த முன்னாள் அமைச்சர் பூமா நாகிரெட்டியின் மகள் என்பது குறிப்பிடத்தக்கது.
மோகன்பாபுவின் மகன் மஞ்சு மனோஜ் கடந்த 2015 ஆம் ஆண்டு பிரணிதா ரெட்டி என்பவரை திருமணம் செய்து கொண்டார் என்பதும் அதன் பின் 2019 ஆம் ஆண்டு இருவரும் விவாகரத்து பெற்று இருந்தார் என்பதும் குறிப்பிடத்தக்கது. அதேபோல் ஏற்கனவே கணேஷ் ரெட்டி என்பவரை பூமா மெளனிகா திருமணம் செய்து கொண்டு அதன் பிறகு விவாகரத்து பெற்றுவிட்டார் என்பது குறிப்பிடத்தக்கது.
இந்த நிலையில் மஞ்சு மனோஜ் மற்றும் பூமா மௌனிகா இருவரும் கடந்த சில ஆண்டுகளாக காதலித்து வந்த நிலையில் தற்போது பெற்றோர் சம்மதத்துடன் இருவரும் திருமணம் செய்து கொண்டனர். இருவருக்குமே இது இரண்டாவது திருமணம் என்பதால் நெருங்கிய உறவினர்கள் மத்தியில் இந்த திருமணம் எளிமையாக நடைபெற்றது என்பது குறிப்பிடத்தக்கது.