'மெர்க்குரி' படக்குழுவினர்களுக்கு கிடைத்த சர்ப்ரைஸ் பாராட்டு
- IndiaGlitz, [Monday,April 23 2018]
ஒன்றரை மாத வேலைநிறுத்தத்திற்கு பின்னர் கடந்த வெள்ளியன்று ரிலீஸ் ஆன திரைப்படம் கார்த்திக் சுப்புராஜின் 'மெர்க்குரி. வசனமே இல்லாமல் மெளனமொழி த்ரில் திரைப்படமான இந்த படம் ரசிகர்களிடையே நல்ல வரவேற்பை பெற்றுள்ளது. குறிப்பாக பிரபுதேவா, ப்ரியா பவானிசங்கரின் நடிப்புக்கு நல்ல விமர்சனம் கிடைத்தது
இந்த நிலையில் 'மெர்க்குரி' படத்தை பார்த்த சூப்பர் ஸ்டார் ரஜினிகாந்த், படக்குழுவினர்களை நேரில் அழைத்து பாராட்டினார். நேற்று ரஜினியின் வீட்டுக்கு அவரது அழைப்பின்பேரில் சென்ற கார்த்திக் சுப்புராஜ், இந்துஜா உள்பட அனைவரையும் நேரில் ரஜினி பாராட்டியது படக்குழுவினர்களுக்கு கிடைத்த மிகப்பெரிய பெருமையாக கருதப்படுகிறது.
இதுகுறித்து கார்த்திக் சுப்புராஜ் தனது சமூக வலைத்தளத்தில் கூறியபோது, 'தலைவர் மெர்க்குரி படத்தை பார்த்து பாராட்டியது பெரும் மகிழ்ச்சியை தந்தது. எங்கள் டீமில் உள்ள ஒவ்வொருவரையும் பாராட்டிய சூப்பர் ஸ்டார், 'சூப்பர் படம்' என்று கூறியதை விட பெரிய விஷயம் எங்களுக்கு வேறு இல்லை. நன்றி தலைவா' என்று தெரிவித்துள்ளார்.
மேலும் 'பிரபுதேவா கலக்கிட்டாரு, கேமிரா, மியூசிக், ஸ்டண்ட் எல்லாமே எக்ஸலண்ட், மொத்தத்தில் சூப்பர் படம் என்று ரஜினிகாந்த் கூறி இந்த படத்தை பாராட்டியுள்ளார் என்பது குறிப்பிடத்தக்கது.