சூப்பர் ஸ்டார் ரஜினியின் நெருங்கிய நண்பர்களில் ஒருவர் திடீரென காலமானதை அடுத்து ரஜினிகாந்த் தனது டுவிட்டர் பக்கத்தில் இரங்கல் தெரிவித்துள்ளார்.

ரஜினிகாந்தின் நெருங்கிய நண்பரும் ரஜினி ரசிகர் மன்றத்தின் நிர்வாகியுமான விஎம் சுதாகர் உடல்நலக்குறைவு காரணமாக திடீரென காலமானார். இதனை அடுத்து ரஜினிகாந்த் தனது டுவிட்டர் பக்கத்தில் அவரது மறைவுக்கு இரங்கல் தெரிவித்து உள்ளார். அதில் கூறியிருப்பதாவது: என்னுடைய அருமை நண்பர் வி.எம்.சுதாகர் நம்மை விட்டுப் பிரிந்தது எனக்கு மிகவும் வருத்தமளிக்கிறது. அவரை இழந்து வாடும் அவருடைய குடும்பத்தினருக்கும் மற்றும் அனைவருக்கும் என் ஆழ்ந்த அனுதாபங்கள். அவர் ஆத்மா சாந்தியடையட்டும்.

ரஜினி ரசிகர் மன்றத்தின் நிர்வாகியாக ஆரம்பத்தில் அவரது சகோதரர் சத்தியநாராயணா செயல்பட்டு வந்த நிலையில் விஎம் சுதாகர் என்பவரை ரஜினிகாந்த் ரஜினி ரசிகர் மன்றத்தின் நிர்வாகியாக நியமனம் செய்தார். அன்று முதல் பல ஆண்டுகளாக ரஜினி ரசிகர் மன்றத்தின் தலைமை நிர்வாகியாக விஎம் சுதாகர் செயல்பட்டு வந்தார் என்பதும் ரஜினி ரசிகர் மன்றம்,ரஜினி மக்கள் மன்றம் ஆக மாற்றப்பட்ட போதும் அவர் தலைமை நிர்வாகியாக இருந்தார் என்பதும் குறிப்பிடத்தக்கது.

இந்த நிலையில் கடந்த சில நாட்களாக விஎம் சுதாகர் சிறுநீரக கோளாறு காரணமாக சிகிச்சை பெற்று வந்த நிலையில் சிகிச்சையின் முழு செலவையும் ரஜினிகாந்த் ஏற்றிருந்தார் என்பது குறிப்பிடத்தக்கது. இந்த நிலையில் சிகிச்சை பலனின்றி சற்றுமுன் விஎம் சுதாகர் காலமானார். அவருக்கு வயது 71 என்றும் அவருக்கு இரண்டு மகன்கள் உள்ளனர் என்பது குறிப்பிடத்தக்கது.

என்னுடைய அருமை நண்பர் வி.எம்.சுதாகர் நம்மை விட்டுப் பிரிந்தது எனக்கு மிகவும் வருத்தமளிக்கிறது. அவரை இழந்து வாடும் அவருடைய குடும்பத்தினருக்கும் மற்றும் அனைவருக்கும் என் ஆழ்ந்த அனுதாபங்கள். அவர் ஆத்மா சாந்தியடையட்டும். @SudhakarVM

— Rajinikanth (@rajinikanth) January 6, 2023