தேமுதிக தலைவர் விஜயகாந்த் கொரோனாவால் பாதிக்கப்பட்டு சென்னை தனியார் மருத்துவமனையில் அனுமதிக்கப்பட்டிருப்பதாக செய்திகள் வெளிவந்தது. அவருக்கு கொரோனா பாதிப்பு இருப்பதை மருத்துவமனை நிர்வாகம் உறுதி செய்தது என்பதும் அவருக்கு மருத்துவர்கள் தீவிர சிகிச்சை அளித்து வருகின்றனர் என்பதையும் ஏற்கனவே பார்த்தோம்

இந்த நிலையில் தேமுதிக தலைவர் விஜயகாந்த் விரைவில் குணமடைந்து வீடு திரும்ப வேண்டும் என முதல்வர் எடப்பாடி பழனிச்சாமி, துணை முதல்வர் ஓ பன்னீர்செல்வம், திமுக தலைவர் முக ஸ்டாலின், நடிகர்கள் சரத்குமார், ராதாரவி உள்பட பலரும் தங்களது சமூக வலைதளங்களில் வாழ்த்துக்கள் தெரிவித்தனர்

இந்த நிலையில் சூப்பர் ஸ்டார் ரஜினிகாந்த் அவர்கள் விஜயகாந்தின் மைத்துனர் சுதீஷ் உடன் தொலைபேசி மூலமாக தொடர்பு கொண்டு விஜயகாந்த் உடல் நலம் குறித்து கேட்டறிந்தார். விஜயகாந்த் எப்படி இருக்கிறார்? என்று ரஜினிகாந்த் கேட்டதாகவும் அதற்கு சுதிஷ், ‘விஜயகாந்த் நல்ல உடல் நிலையில் இருக்கிறார் என்று கூறியதாகவும் தகவல்கள் வெளிவந்துள்ளன