Rajinikanth-Kapil Dev:దిగ్గజాలు కలిసిన వేళ : సింగిల్ ఫ్రేమ్‌లో కపిల్ దేవ్, రజనీకాంత్.. రెండు కళ్లు చాలడం లేదుగా
- IndiaGlitz, [Friday,May 19 2023]
కపిల్ దేవ్, రజనీకాంత్.. వీరిద్దరి గురించి తెలియని భారతీయుడు వుండడు. భారతదేశానికి తొలి క్రికెట్ ప్రపంచకప్‌ను అందించి దేశంలో క్రికెట్ ఈ స్థాయికి చేరుకోవడానికి కారణమయ్యారు కపిల్. ఇక రజనీ విషయానికి వస్తే.. సాధారణ బస్ కండక్టర్ స్థాయి నుంచి సూపర్‌స్టార్‌గా ఎదిగారు. భారత్‌తో పాటు ప్రపంచవ్యాప్తంగా కోట్లాది మంది అభిమానులను సంపాదించుకున్నారు రజనీ. 70 ఏళ్ల వయసులోనూ సినిమాలు చేస్తూ కుర్ర హీరోలకు పోటీనిస్తున్నారు. వేర్వేరు రంగాలకు చెందిన ఈ ఇద్దరు దిగ్గజాలు ఒకే ఫ్రేమ్‌లో కనిపిస్తే.. అభిమానులకు పండగే కదా. వీరిద్దరూ కలిసి వున్న ఫోటో ఒకటి ప్రస్తుతం సోషల్ మీడియాలో వైరల్ అవుతోంది.
లాల్ సలాం సెట్స్‌లో కలుసుకున్న రజనీ, కపిల్ దేవ్:
అసలేం జరిగిందంటే .. విష్ణు విశాల్, విక్రాంత్ హీరోలుగా రజనీ కుమార్తె ఐశ్వర్య తెరకెక్కిస్తోన్న చిత్రం ‘‘లాల్ సలామ్’’. ఇందులో తలైవా ఓ కీలకపాత్ర పోషిస్తున్నారు. ప్రస్తుతం ఈ సినిమా షూటింగ్ ముంబైలో జరుగుతోంది. ఈ సందర్భంగా సెట్స్‌కు కపిల్ దేవ్, రజనీకాంత్ రావడంతో వీరిద్దరూ ఫోటో దిగారు. అనంతరం వారిద్దరూ వేర్వేరుగా సోషల్ మీడియాలో ఈ ఫోటోను పోస్ట్ చేశారు. రజనీ లాంటి గొప్ప వ్యక్తిని కలవడం ఎంతో గౌరవమని కపిల్ దేవ్ పోస్ట్ చేయగా.. దేశానికి తొలి క్రికెట్ వరల్డ్ కప్‌ను సాధించిన పెట్టి భారతదేశానికి గర్వకారణంగా నిలిచిన దిగ్గజ క్రికెటర్ కపిల్ దేవ్‌ను కలవడం తనకు దక్కిన గౌరవమని రజనీ పోస్ట్ పెట్టారు.
గతంలో పలు సినిమాల్లో నటించిన కపిల్ దేవ్ :
అయితే లాల్ సలామ్ సినిమాలో కపిల్ దేవ్ నటిస్తున్నారా అన్న విషయాన్ని మాత్రం ఇద్దరూ చెప్పలేదు. కపిల్ ఇప్పటికే ఇక్బాల్, 83, డబుల్ ఎక్స్‌ప్రెస్ తదితర సినిమాల్లో నటించారు. ఇక లైకా ప్రొడక్షన్ బ్యానర్‌పై తెరకెక్కుతోన్న లాల్ సలాంను సుభాస్కరన్ నిర్మిస్తున్నారు. మ్యూజిక్ మ్యాస్ట్రో ఇళయరాజా ఈ చిత్రానికి సంగీతం అందిస్తున్నారు. శరవేగంగా షూటింగ్ జరుపుకుంటున్న ఈ చిత్రాన్ని అతి త్వరలో ప్రేక్షకుల ముందుకు తీసుకురానున్నారు.
It is my honour and privilege working with the Legendary, most respected and wonderful human being Kapildevji., who made India proud winning for the first time ever..Cricket World Cup!!!#lalsalaam#therealkapildev pic.twitter.com/OUvUtQXjoQ
— Rajinikanth (@rajinikanth) May 18, 2023