சூப்பர் ஸ்டார் ரஜினிகாந்த் நடிப்பில் பா.ரஞ்சித் இயக்கிய 'காலா' திரைப்படத்தின் பாடல்கள் நாளை சென்னையில் வெளியாகவுள்ளது. இந்த இசை வெளியீட்டு விழாவில் ரஜினிகாந்த் உள்பட படக்குழுவினர் அனைவரும் கலந்து கொள்ளவுள்ளனர். 

இந்த படம் வரும் ஜூன் 7ஆம் தேதி உலகம் முழுவதும் வெளியாகவுள்ள நிலையில் இந்த படத்தின் அமெரிக்க ரிலீஸ் குறித்த அதிகாரபூர்வ தகவல் வெளிவந்துள்ளது. இந்த படத்தை அமெரிக்காவில் எம்.எம்.மீடியா நிறுவனம் பிரமாண்டமாக வெளியிட திட்டமிட்டுள்ளது. ஏற்கனவே இந்நிறுவனம் ரஜினியின் சந்திரமுகி, சிவாஜி, அஜித்தின் மங்காத்தா, விஜய்யின் கத்தி உள்பட பல திரைப்படங்களை பிரமாண்டமாக வெளியிட்டுள்ள நிறுவனம் என்பது குறிப்பிடத்தக்கது.

தமிழ், தெலுங்கு மற்றும் இந்தி ஆகிய மூன்று மொழிகளில் அமெரிக்காவில் உள்ள பிரமாண்டமான திரையரங்குகளில் 'காலா' படத்தை வெளியிட திட்டமிட்டுள்ளதாகவும், ஜூன் 6ஆம் தேதி இந்த படத்தின் பிரிமியர் காட்சிகளும், ஜூன் 7ஆம் தேதி இந்த படத்தின் ரெகுலர் காட்சிகளும் திரையிடப்படும் என எம்.எம். மீடியா நிறுவனம் அறிவித்துள்ளது.