'காவாலா' ஜூரமே இன்னும் முடியலை.. அதற்குள் 'ஜெயிலர்' 2ஆம் சிங்கிள் அறிவிப்பு..!
- IndiaGlitz, [Thursday,July 13 2023]
சூப்பர் ஸ்டார் ரஜினிகாந்த் நடித்த ‘ஜெயிலர்’ திரைப்படம் வரும் ஆகஸ்ட் 10ஆம் தேதி வெளியாக இருக்கும் நிலையில் இந்த படத்தில் இடம்பெற்ற ‘காவாலா’ என்ற பாடல் சமீபத்தில் வெளியாகி மிகப்பெரிய ஹிட் ஆனது என்பதை பார்த்தோம். இந்த பாடல் ஒரு சில நாட்களில் 30 மில்லியன் பார்வையாளர்களை பெற்று சாதனை செய்துள்ளது
இந்த நிலையில் தற்போது ‘ஜெயிலர்’ திரைப்படத்தின் இரண்டாவது சிங்கிள் பாடல் ரிலீஸ் தேதியை சன் பிக்சர்ஸ் நிறுவனம் அதிகாரப்பூர்வமாக அறிவித்துள்ளது. ’ஹுக்கும் இது டைகரின் கட்டளை’ என்ற இரண்டாவது சிங்கிள் பாடல் ஜூலை 17ஆம் தேதி வெளியாகும் என அறிவிக்கப்பட்டுள்ளது. இது குறித்த 9 வினாடிகள் வீடியோவையும் சன் பிக்சர்ஸ் வெளியிட்ட நிலையில் அந்த வீடியோ தற்போது வைரல் ஆகி வருகிறது.
‘ஜெயிலர்’ படத்தின் முதல் சிங்கிள் பாடலான ‘காவாலா’ பாடலின் ஜுரமே இன்னும் ரசிகர்களிடமிருந்து நீங்காத நிலையில் அடுத்த சிங்கிள் பாடலின் அறிவிப்பு வெளியாகி உள்ளது பரபரப்பை ஏற்படுத்தி உள்ளது.
சன் பிக்சர்ஸ் தயாரிப்பில், நெல்சன் இயக்கத்தில், அனிருத் இசையில் உருவாகி இருக்கும் ‘ஜெயிலர்’ திரைப்படத்தில் ரஜினிகாந்த், சிவராஜ்குமார், மோகன்லால், தமன்னா, ரம்யா கிருஷ்ணன், சுனில், ஜாக்கி ஷெராப், வசந்த் ரவி, விநாயகன், யோகிபாபு, ரெடின் கிங்ஸ்லி, உட்பட பலர் நடித்துள்ளனர். இந்த படத்திற்கு விஜய் கார்த்திக் கண்ணன் ஒளிப்பதிவும், நிர்மல் படத்தொகுப்பும் செய்துள்ளனர்.
#Hukum 💥 Idhu Tiger-in Kattalai#JailerSecondSingle is ready to fire on July 17th 🔥@rajinikanth @Nelsondilpkumar @anirudhofficial @Mohanlal @NimmaShivanna @bindasbhidu @tamannaahspeaks @meramyakrishnan @suneeltollywood @iYogiBabu @iamvasanthravi @kvijaykartik @Nirmalcuts… pic.twitter.com/5gqRMyXIcQ
— Sun Pictures (@sunpictures) July 13, 2023