தனுஷின் 'கேப்டன் மில்லர்' படத்தில் இணைந்த 'ஜெயிலர்' நடிகர்!
- IndiaGlitz, [Thursday,September 01 2022]
தனுஷின் அடுத்த திரைப்படமான ‘கேப்டன் மில்லர்’ திரைப்படத்தில் சூப்பர் ஸ்டார் ரஜினிகாந்த் நடித்து வரும் ’ஜெயிலர்’ படத்தில் நடித்து வரும் நடிகர் ஒருவர் வில்லனாக நடிக்க இருப்பதாக தகவல் வெளியாகியுள்ளன.
தனுஷ் நடித்த ’திருச்சிற்றம்பலம்’ திரைப்படம் சமீபத்தில் வெளியாகி நல்ல வெற்றி பெற்றதை அடுத்து அவர் நடித்து முடித்துள்ள ’வாத்தி’ மற்றும் ’நானே வருவேன்’ ஆகிய இரண்டு படங்களும் அடுத்தடுத்து வெளியாக உள்ளது.
இந்த நிலையில் சத்யஜோதி பிலிம்ஸ் நிறுவனத்தின் தயாரிப்பில் தனுஷ் நடிப்பில் அருண் மாதேஸ்வரன் இயக்கத்தில் உருவாகயிருக்கும் படம் குறித்த அறிவிப்பு சமீபத்தில் வெளியானது. ‘கேப்டன் மில்லர்’ என்ற டைட்டில் வைக்கப்பட்டுள்ள இந்த படத்திற்கு ஜிவி பிரகாஷ் இசை அமைக்க உள்ளார் என்பதும் இந்த படத்தின் நாயகியாக பிரியங்கா மோகன் நடிக்க இருப்பதாகவும் கூறப்பட்டது.
இந்த நிலையில் தற்போது இந்த படத்தில் பிரபல மலையாள நடிகர் விநாயகன் வில்லன் வேடத்தில் நடிக்க இருப்பதாக தகவல்கள் வெளியாகியுள்ளன. இவர் ஏற்கனவே சூப்பர் ஸ்டார் ரஜினியின் ’ஜெயிலர்’ படத்தில் முக்கிய வேடத்தில் நடிக்க இருப்பதாக அதிகாரப்பூர்வமாக அறிவிக்கப்பட்டது என்பது தெரிந்ததே.
தமிழ் உள்பட ஐந்து மொழிகளில் பான் இந்தியா திரைப்படமாக உருவாகயிருக்கும் இந்தப் படத்தின் படப்பிடிப்பு செப்டம்பர் முதல் வாரத்தில் தொடங்க இருப்பதாக தகவல் வெளியாகி உள்ளன.