வெள்ள நிவாரண நிதி. சூப்பர் ஸ்டார் ரஜினி கொடுத்த ரூ.10 லட்சம்
- IndiaGlitz, [Tuesday,December 01 2015]
தமிழகத்தில் கடந்த சில நாட்களாக கொட்டி தீர்த்த கனமழை இன்னும் விடவில்லை. இந்த மழை வெள்ளத்தினால் ஏராளமான பொதுமக்கள் பொருட்களை இழந்த நிலையில் அவர்களுக்கு உதவும் வகையில் கோலிவுட் பிரபலங்கள் தாராளமாக நிதி வழங்கி வருகின்றனர்.
சூர்யா குடும்பத்தினர், விஷால், தனுஷ், சிவகார்த்திகேயன், சத்யராஜ், பிரபு, உள்பட பலர் வெள்ள நிவாரண நிதி அளித்து வரும் நிலையில் சூப்பர் ஸ்டார் ரஜினிகாந்த் தனது பங்காக ரூ.10 லட்சம் தனது ஸ்ரீராகவேந்திரா பொது டிரஸ்ட்டில் இருந்து நடிகர்சங்க தலைவர் நாசரிடம் வழங்கியுள்ளார்.
ரஜினிகாந்த் தற்போது வெளிநாட்டில் இருந்தாலும் அவருடைய வழிகாட்டுதலின்பேரில் இந்த தொகை வழங்கப்படுவதாக டிரெஸ்டின் மேனேஜர் தெரிவித்துள்ளார்.