சினிமாவில் அறிமுகமாகும் சூப்பர் ஸ்டார் நடிகரின் பேத்திகள்!
- IndiaGlitz, [Wednesday,July 20 2022]
நடிகர் நடிகைகள் தங்களது வாரிசுகளை சினிமாவில் நடிக்க வைப்பது தமிழ் திரை உலகம் உள்பட இந்திய திரையுலகிற்கு புதிதல்ல. சிவாஜி கணேசன், என்.டி.ராமராவ், அமிதாபச்சன் உள்பட பல பிரபலங்களின் வாரிசுகள் திரையுலகில் ஜொலித்து வருகிறார்கள்
அந்த வகையில் தெலுங்கு திரையுலகின் சூப்பர் ஸ்டாரான மோகன்பாபுவின் பேத்திகள் தற்போது சினிமாவில் அறிமுகமாக உள்ளதாக அறிவிக்கப்பட்டுள்ளது. மோகன்பாபுவின் மகனும் பிரபல தெலுங்கு நடிகருமான விஷ்ணு மஞ்சு நடித்து வரும் ’ஜின்னா’ என்ற திரைப்படத்தில் அவரது இரட்டைக் குழந்தைகளான அரியானா மற்றும் விவியானா ஆகிய இருவரும் ஒரு பாடலை பாடி நடிக்கின்றனர்
இந்த பாடல் வரும் 24ஆம் தேதி காலை 11.13 மணிக்கு வெளியாகும் என அதிகாரப்பூர்வமாக அறிவிக்கப்பட்டுள்ளது. இந்த பாடல் ஹிட்டானால் மோகன்பாபுவின் பேத்திகள் இருவருமே சினிமாவில் விரைவில் நாயகிகளாகவும் நடிப்பார்கள் என்று கூறப்படுகிறது.