சூப்பர் சிங்கர் ப்ரியா ஜெர்சன் வாழ்க்கையில் ஒரு திருப்புமுனை.. க்யூட் புகைப்படங்கள்..!
- IndiaGlitz, [Sunday,July 21 2024]
சூப்பர் சிங்கர் நிகழ்ச்சியில் பிரபலமான ப்ரியா ஜெர்சன் வாழ்க்கையில் ஒரு திருப்புமுனை ஏற்பட்டுள்ள நிலையில் அது குறித்த புகைப்படம் அவரது இன்ஸ்டாகிராம் பக்கத்தில் பதிவு செய்யப்பட்டுள்ளது.
விஜய் டிவியில் ஒளிபரப்பாகி வரும் சூப்பர் சிங்கர் நிகழ்ச்சி பல ஆண்டுகளாக மக்கள் மத்தியில் நல்ல வரவேற்பு பெற்று வருகிறது. அந்த வகையில் கடந்த 2022 ஆம் ஆண்டு சூப்பர் சிங்கர் சீனியர் சீசன் 9 நிகழ்ச்சியில் போட்டியாளராக இருந்தவர் ப்ரியா ஜெர்சன். இந்த நிகழ்ச்சியில் அருணா டைட்டில் வின்னர் பட்டத்தை வென்ற நிலையில் ப்ரியா ஜெர்சன் முதல் ரன்னர் அப் பட்டதை வென்று 10 லட்ச ரூபாய் பரிசு பெற்றார்.
இந்த நிலையில் சமூக வலைதளங்களில் குறிப்பாக இன்ஸ்டாகிராமில் ஆக்டிவாக இருக்கும் ப்ரியா ஜெர்சன் ஆயிரக்கணக்கான ஃபாலோயர்கள் வைத்திருக்கும் நிலையில் தற்போது அவர் தனக்கு திருமண நிச்சயதார்த்தம் ஆகியுள்ளதாக அறிவித்துள்ளார். தனது வருங்கால கணவருடன் எடுத்த போட்டோஷூட் புகைப்படங்களை அவர் பதிவு செய்த நிலையில் அந்த புகைப்படங்கள் தற்போது இணையத்தில் வைரல் ஆகி வருகிறன.
இந்த புகைப்படங்களுக்கு பல்வேறு கமெண்ட்கள் குவிந்து வரும் நிலையில் ப்ரியா ஜெர்சன் வாழ்க்கையில் இந்த திருமணம் ஒரு திருப்புமுனையாக இருக்கும் என்று அவருக்கு ரசிகர்கள் வாழ்த்துக்களை தெரிவித்து வருகின்றனர்.