விஜய் டிவியில் ஒளிபரப்பாகி வரும் சூப்பர் சிங்கர் நிகழ்ச்சி மிகப்பெரிய வரவேற்பு பெற்று வரும் நிலையில் இந்த நிகழ்ச்சியின் நடுவர்களில் ஒருவராக இருப்பவர் பென்னி தயாள் என்பதும் இவர் இந்த நிகழ்ச்சியின் போட்டியாளர்களுக்கு பெரும் ஊக்கம் தரும் வகையில் பேசுவார் என்பது தெரிந்ததே. இந்த நிலையில் பென்னி தயாள் குடும்ப புகைப்படம் இணையதளங்களில் வைரலாகி வருகிறது.

பாடகர் பென்னி தயாள் அபுதாபியைச் சேர்ந்தவர் என்பதும் அங்கேயே அவர் பள்ளி கல்லூரில் படிப்பை முடித்தவர் என்பது குறிப்பிடத்தக்கது. அதன் பிறகு மெட்ராஸ் கிறிஸ்டியன் கல்லூரியில் ஜர்னலிசம் படித்த பென்னி தயாள் தனது நீண்ட நாள் காதலியான கேத்தரின் தங்கம் என்பவரை கடந்த 2016 ஆம் ஆண்டு திருமணம் செய்து கொண்டார்

சூப்பர் ஸ்டார் ரஜினிகாந்த் நடித்த ’பாபா’ திரைப்படத்தில் இடம் பெற்ற ’மாயா மாயா’ என்ற பாடலின் மூலம் தமிழில் அறிமுகமான பென்னி தயாள் அதன் பிறக்கு தமிழ், தெலுங்கு, ஹிந்தி, மலையாளம், கன்னடம், மராத்தி உள்பட பல மொழிகளில் இவர் ஏராளமான பாடல்களை பாடி உள்ளார் என்பது குறிப்பிடத்தக்கது.

ஏஆர் ரகுமான், ஹாரிஸ் ஜெயராஜ், வித்யாசாகர், ஜிவி பிரகாஷ், ஜேம்ஸ் வசந்தன் யுவன் சங்கர் ராஜா உள்ளிட்ட பல பிரபல இசையமைப்பாளர்களின் பாடல்களை பாடியுள்ளார். இந்த நிலையில் பென்னி தயாள் திருமண மற்றும் குடும்ப புகைப்படங்கள் இணையதளங்களில் வைரல் ஆகி வருகின்றன.