பா.ரஞ்சித் படத்தில் உணர்ச்சிமிக்க பாடலை பாடிய சூப்பர் சிங்கர் சாம்பியன்
- IndiaGlitz, [Monday,November 25 2019]
பிரபல இயக்குனர் பா ரஞ்சித் தயாரிப்பில் உருவாகிய ’இரண்டாம் உலகப் போரின் கடைசி குண்டு’ என்ற திரைப்படம் வரும் டிசம்பர் 6ம் தேதி வெளியாக உள்ளது. இதனை அடுத்து இந்த படத்தின் புரமோஷன் பணிகள் கடந்த சில நாட்களாக விறுவிறுப்பாக நடைபெற்று வருவதை அடுத்து தற்போது இந்த படத்தின் லிரிக் பாடலின் விடியோ ஒன்று வெளியாகியுள்ளது
சூப்பர் சிங்கர் நிகழ்ச்சியில் சாம்பியன் பட்டம் பெற்று அதன் பின்னர் ஒருசில திரைப்படங்களில் பாடும் வாய்ப்பையும் சில படங்களில் நடித்தும் வரும் செந்தில் கணேஷ் இந்த பாடலை பாடியுள்ளார். ’இருச்சியம்மா’ என்ற உணர்ச்சி மிக்க இந்த பாடல் உமாதேவி பாடல் வரிகளில், செந்தில் கணேசன் குரலில் ஒலித்து அனைவரையும் கவர்ந்துள்ளது
அதிரன் ஆதிரை இயக்கத்தில் உருவாகியுள்ள ‘இரண்டாம் உலகப் போரின் கடைசி குண்டு’ திரைப்படத்தில் தினேஷ், கயல் ஆனந்தி, ஜான் விஜய் உள்பட பலர் நடித்துள்ளனர். தென்மா இந்த படத்திற்கு இசையமைத்துள்ளார் என்பது குறிப்பிடத்தக்கது