சீனுராமசாமியின் அடுத்த படத்தில் சூப்பர் ஹிட் ஜோடி
- IndiaGlitz, [Sunday,January 29 2017]
சீனுராமசாமி இயக்கிய 'தர்மதுரை' திரைப்படம் கடந்த ஆண்டு வெளியாகி மிகப்பெரிய வரவேற்பை பெற்றது. விஜய்சேதுபதி, தமன்னா ரசிகர்கள் மட்டுமின்றி அனைத்து தரப்பு ரசிகர்களிடம் இருந்தும் இன்னும் சொல்லப்போனால் பிரபல அரசியல்வாதிகளிடம் இருந்தும் இந்த படத்திற்கு பாராட்டுக்கள் குவிந்தது.
இந்நிலையில் இயக்குனர் சீனுராமசாமி விரைவில் தனது அடுத்த படத்தை தொடங்கவுள்ளார். இதுகுறித்த ஆரம்பகட்ட பணிகளில் அவர் ஈடுபட்டுக்கொண்டிருப்பதாக தகவல்கள் வெளிவந்துள்ள நிலையில் சமீபத்தில் சூப்பர் ஹிட் ஆன ஜோடி இந்த படத்தில் மீண்டும் இணைய வாய்ப்பு இருப்பதாக கூறப்படுகிறது.
இயக்குனர் விஜய் இயக்கிய 'தேவி' படத்தில் நடித்த பிரபுதேவா-தமன்னா ஜோடிதான் சீனுராமசாமியின் அடுத்த பட நாயகன், நாயகி என்ற தகவல் வெளிவந்துள்ளது. இதுகுறித்து முறையான அறிவிப்பு இன்னும் ஓரிரு நாட்களில் வெளிவரும் என தெரிகிறது. மேலும் இந்த படத்தை பல வெற்றிப்படங்களை தயாரித்த அம்மா கிரியேஷன்ஸ் டி.சிவா தயாரிக்கவிருப்பதாகவும் செய்திகள் வந்துள்ளது.