சன்னிலியோன் இதுவரை முயற்சிக்காத புதிய விஷயம்
- IndiaGlitz, [Friday,February 23 2018]
கனடாவிலும் பாலிவுட்டிலும் சன்னிலியோன் எந்த அளவுக்கு பிரபலம் என்பதை சொல்லி தெரிவதில்லை. கூகுளில் பிரதமரையே மிஞ்சும் அளவுக்கு டிரெண்டில் இருப்பவர் சன்னிலியோன் என்பதும் தெரிந்ததே
இந்த நிலையில் முதல்முறையாக சன்னிலியோன் தமிழ் மற்றும் தெலுங்கு மொழியில் உருவாகி வரும் 'வீரமாதேவி' என்ற படத்தில் ராணியாக நடிக்கின்றார். தொடர்ந்து 150 நாட்கள் இந்த படத்திற்காக கால்ஷீட் கொடுத்துள்ள சன்னிலியோன், இந்த படத்திற்காக குதிரையேற்றம், வாட்பயிற்சி ஆகியவற்றில் ஈடுபட்டு வருகிறார்
இந்த நிலையில் இந்த படத்தின் வசனங்களை புரிந்து பேசுவதற்காக அவர் தமிழ் மொழியையும் கற்க முடிவு செய்துள்ளார். இத்தனை வருடம் பாலிவுட்டில் நடித்திருந்தாலும் இந்தி மொழியை கற்பதில் ஆர்வமில்லாத சன்னிலியோன், முதன்முதலில் தமிழ் மொழியை பேச அவர் முயற்சிப்பது புதிய விஷயமாக கருதப்படுகிறது.
சன்னிலியோன், நவ்தீப், நாசர் உள்பட பலர் நடிக்கும் இந்த படத்தை வடிவுடையான் இயக்கி வருகிறார். இந்த படத்தின் கிராபிக்ஸ் காட்சிகளுக்கு என ஒரு பெரும்தொகை பட்ஜெட்டில் ஒதுக்கப்பட்டுள்ளது என்பது குறிப்பிடத்தக்கது.