சன்னி லியோன் நடித்த தமிழ் திரைப்படமான ‘ஓ மை கோஸ்ட்’ என்ற திரைப்படத்தின் படப்பிடிப்பு கடந்த சில மாதங்களாக நடைபெற்று வந்த நிலையில் தற்போது இந்த படத்தின் ரிலீஸ் தேதி குறித்த அறிவிப்பு வெளியாகியுள்ளது.

பிரபல பாலிவுட் கவர்ச்சி நடிகை சன்னி லியோன் முக்கிய வேடத்தில் நடித்த திரைப்படம் ’ஓமை கோஸ்ட்’. இந்த படத்தில் சன்னி லியோனுடன் சதீஷ், தர்ஷா குப்தா, யோகி பாபு, ஜிபி முத்து, ரமேஷ் திலக், உள்ளிட்ட பலர் நடித்துள்ளனர்.

யுவன் இயக்கியுள்ள இந்த படத்திற்கு யுவன் சங்கர் ராஜா இசையமைத்துள்ளார். இந்த படத்தின் டிரைலர் சமீபத்தில் வெளியாகி நல்ல வரவேற்பை பெற்ற நிலையில் தற்போது இந்த திரைப்படம் டிசம்பர் 30ஆம் தேதி திரையரங்குகளில் வெளியாகும் என அறிவிக்கப்பட்டுள்ளது. இதனை அடுத்து இந்த படத்தின் புரமோஷன் பணிகள் விறுவிறுப்பாக நடைபெற்று வருகிறது.

சன்னி லியோன் இந்த படத்தில் ராணி மற்றும் பேய் ஆகிய இரண்டு வித்தியாசமான கேரக்டர்களில் நடித்துள்ளார். இந்த படத்தின் கிராபிக்ஸ் காட்சிகளுக்காக பெரும் பொருட்செலவை படக்குழுவினர் செய்துள்ளனர்.

இந்த நிலையில் ‘ஓ மை கோஸ்ட்’ வெளியாகும் அதே டிசம்பர் 30ஆம் தேதி பிரபுசாலமனின் ‘செம்பி’ மற்றும் த்ரிஷாவின் ‘ராங்கி’ ஆகிய படங்களும் ரிலீஸ் ஆகவுள்ளது என்பது குறிப்பிடத்தக்கது.