எதற்கும் தயாராக இருக்க வேண்டும்: நடிகைகள் பாலியல் விவகாரம் குறித்து சன்னி லியோன்..!
- IndiaGlitz, [Tuesday,September 10 2024]
நடிகைகளுக்கு பாலியல் தொல்லை கொடுக்கப்படுவதாக கடந்த பல ஆண்டுகளாக குற்றச்சாட்டுகள் கூறப்பட்டு வரும் நிலையில் சமீபத்தில் கேரளாவில் மலையாள நடிகைகளுக்கு பாலியல் தொல்லை கொடுக்கப்பட்டுள்ளது என்று ஹேமா கமிஷன் அறிக்கை வெளியானதால் பரபரப்பு ஏற்பட்டது.
இதை தொடர்ந்து தமிழ் மற்றும் தெலுங்கு திரை உலகிலும் சில நடிகைகள் பாதிக்கப்பட்டுள்ளதாக கூறிய நிலையில் ஒட்டுமொத்த திரையுலகமே நடிகைகளுக்கு பாதுகாப்பு வேண்டும் என்று குரல் கொடுத்து வருகின்றன.
இந்த நிலையில் கொச்சியில் இன்று திரைப்பட விழாவொன்றில் கலந்து கொண்ட நடிகை சன்னி லியோன் நடிகைகள் உட்பட பெண்கள் மீதான பாலியல் துன்புறுத்தல் குறித்து பேசினார்.
அப்போது அவர் ’நோ சொல்ல வேண்டிய இடத்தில் நோ சொல்ல வேண்டும், வெளியேற வேண்டிய இடத்தில் எதற்கும் தயாராக இருக்க வேண்டும் என்றும் தெரிவித்தார். மேலும் நமது எல்லைகளை நாம் தான் தீர்மானிக்க வேண்டும் என்றும் இழப்புகள் குறித்து கவலைப்படாமல் உறுதியுடன் இருக்க வேண்டும் என்று கூறினார்.
இதே நிகழ்ச்சியில் கலந்து கொண்ட நடிகர் பிரபுதேவா பேசிய போது ’சில ஆண்டுகளாகவே நடிகைகளுக்கு பாலியல் தொல்லை கொடுக்கும் சம்பவங்கள் நடந்து வருவதாகவும் அதற்கு கண்டிப்பாக நீதி நியாயம் கிடைக்கும் என்றும் கூறினார்.