பாலிவுட் திரையுலகின் கவர்ச்சி நாயகியாக வலம் வந்து கொண்டிருக்கும் நடிகை சன்னிலியோன் அவ்வபோது தென்னிந்திய திரையுலகில் நடித்து வருகிறார் என்பதை பார்த்து வருகிறோம். குறிப்பாக தமிழில் அவர் தற்போது ’வீரமாதேவி’, ’ஓ மை கோஸ்ட்’ உட்பட ஒரு சில படங்களில் நடித்து வருகிறார் என்பது தெரிந்ததே.

இந்த நிலையில் தற்போது மீண்டும் ஒரு தென்னிந்திய திரைப்படத்தில் அதாவது தெலுங்கு திரைப்படத்தில் நடிக்க சன்னி லியோன் ஒப்பந்தமாகியுள்ளார். விஷ்ணு மஞ்சு ஹீரோவாக நடிக்கும் திரைப்படத்தில் நாயகியாக நடிக்க சன்னி லியோன் ஒப்பந்தமாகியுள்ளதாகவும், இந்த படத்தின் படப்பிடிப்பு விறுவிறுப்பாக நடைபெற்று வருவதாகவும் தகவல் வெளிவந்துள்ளது.

இந்தப் படத்தில் விஷ்ணு மஞ்சு, நாகேஸ்வர ராவ் என்ற கேரக்டரிலும் சன்னி லியோன், ரேணுகா என்ற கேரக்டரில் நடிக்க உள்ளதாக அறிவிக்கப்பட்டு புதிய போஸ்டர்களும் வெளியாகியுள்ளது.

இந்த படத்தின் டைட்டில் உள்பட மற்ற விவரங்கள் விரைவில் அறிவிக்கப்படும் என சன்னி லியோன் தனது இன்ஸ்டாகிராம் பக்கத்தில் தெரிவித்துள்ளார். சன்னிலியோனின் இந்த இன்ஸ்டாகிராம் போஸ்ட் தற்போது இணையத்தில் வைரலாகி வருகிறது.

View this post on Instagram

A post shared by Vishnu Manchu (@vishnumanchu)

View this post on Instagram

A post shared by Sunny Leone (@sunnyleone)