వాత్సాయ‌నుడు ర‌చించిన శృంగార గ్రంథం `కామ‌సూత్ర‌`ని సినిమా రూపంలో రెండుసార్లు తెర‌కెక్కింది. అయితే ఇప్పుడు వెబ్‌సిరీస్ రూపంలో ప్రేక్ష‌కుల ముందుకు రానుంద‌ని బాలీవుడ్ వ‌ర్గాల స‌మాచారం. ఆస‌క్తిక‌ర‌మైన విష‌య‌మేమంటే శృంగార తార స‌న్నీలియోన్ ఈ వెబ్‌సిరీస్‌లో న‌టించ‌నుంద‌ని టాక్‌. ఈ చిత్రాన్ని ఏక్తాక‌పూర్ డైరెక్ట్ చేయ‌నున్నార‌ట‌. ప్ర‌స్తుతం `సిట్స్ విల్లా` సీజ‌న్ 12లో స‌న్నీలియోన్ న‌టిస్తుంది. అయితే ఇప్పుడు ఏక్తాక‌పూర్‌తో ఈమె చేయ‌బోయే కామ‌సూత్ర గురించిన వార్త‌లు సోష‌ల్ మీడియాలో హ‌ల్ చేస్తున్నాయి. ఆల్‌రెడీ చ‌ర్చ‌లు జ‌రిగాయ‌ని, ఈ వెబ్‌సిరీస్‌లో న‌టించ‌డానికి స‌న్నీలియోన్ సుముఖ‌త‌ను వ్య‌క్తం చేసింద‌ని కూడా టాక్‌.

కామ‌సూత్ర గ్రంథం రెండు సార్లు సినిమాగా ప్రేక్ష‌కుల ముందుకు వ‌చ్చింది. తొలిసారి ఇందిరా వ‌ర్మ ప్ర‌ధాన పాత్ర‌ధారిగా మీరా నాయ‌ర్ ఈ చిత్రాన్ని తెర‌కెక్కించారు. ఈ సినిమాకు మంచి ఆద‌ర‌ణే ద‌క్కింది. త‌ర్వాత కామ‌సూత్ర 3డీను రూపేష్ పాల్ తెరకెక్కించారు. ఈ సినిమాలో ముందుగా షెర్లిన్ చోప్రా న‌టించ‌డానికి అంగీక‌రించింది. కానీ.. త‌ర్వాత ప్రాజెక్ట్ నుండి డ్రాప్ అయ్యింది. కొస‌మెర‌పుమేమంటే.. ఈసినిమా ఇండియాలో రిలీజ్ కానేలేదు. కాగా.. ఇప్పుడు మ‌రోసారి కామ‌సూత్ర వెబ్‌సిరీస్ రూపంలో తెర‌కెక్క‌నుంద‌నే వార్త‌లు హ‌ల్ చ‌ల్ చేస్తున్నాయి. ఇందులో నిజానిజాలు తెలియాలంటే కొన్నిరోజులు ఆగాల్సిందే.