சன்னிலியோன் நாயகியாக நடிக்கும் முதல் தமிழ் திரைப்படம்
- IndiaGlitz, [Monday,December 04 2017]
பாலிவுட் கவர்ச்சி நடிகை சன்னிலியோன் இதற்கு முன்னர் கடந்த 2014ஆம் ஆண்டு வெளிவந்த 'வடகறி' என்ற படத்தில் ஒரு பாடலுக்கு நடனம் ஆடியிருந்த நிலையில் தற்போது ஒரு தமிழ்ப்படத்தில் நாயகியாக நடிக்க ஒப்பந்தமாகியுள்ளார்.
வரலாற்று சரித்திர கதையம்சம் கொண்ட இந்த படத்தை வி.சி.வடிவுடையான் இயக்கவுள்ளார். இவர் ஏற்கனவே 'தம்பி வெட்டோத்தி சுந்தரம், 'செளகார்பேட்டை' உள்பட ஒருசில படங்களை இயக்கியவர் என்பது குறிப்பிடத்தக்கது
தமிழில் உருவாகும் இந்த படம் மலையாளம், தெலுங்கு மற்றும் இந்தி ஆகிய மொழிகளிலும் டப்பிங் செய்ய திட்டமிட்டுள்ளதாக தெரிகிறது. மேலும் இந்த படத்திற்காக சன்னிலியோன், குதிரைப்பயிற்சி, வாள்பயிற்சி போன்றவற்றிலும் ஈடுபடவுள்ளதாகவும், இந்த படம் சன்னிலியோனின் திரையுலக வாழ்க்கையில் ஒரு திருப்புமுனையாக இருக்கும் என்றும் கூறப்படுகிறது.