சன்னிலியோன் நடிக்கும் அடுத்த தென்னிந்திய படம்
- IndiaGlitz, [Wednesday,November 21 2018]
பிரபல பாலிவுட் கவர்ச்சி நடிகை சன்னிலியோன் தமிழில் தற்போது 'வீரமாதேவி' என்ற படத்தில் நடித்து வருகிறார். இயக்குனர் வடிவுடையான் இயக்கி வரும் இந்த படத்தின் படப்பிடிப்பு விறுவிறுப்பாக நடந்து வருகிறது. மேலும் விஷால் நடித்து வரும் 'அயோக்யா' படத்திலும் ஒரு பாடலுக்கு சன்னிலியோன் ஆடவுள்ளதாகவும் செய்திகள் வெளிவந்துள்ளது.
இந்த நிலையில் ஏற்கனவே தமிழ் மட்டுமின்றி தெலுங்கு, கன்னட மொழி படங்களில் நடித்துள்ள சன்னிலியோன் தற்போது முதல்முறையாக மலையாள படம் ஒன்றில் நடிக்க ஒப்பந்தமாகியுள்ளதாக கூறப்படுகிறது. சன்னிலியோனின் முதல் மலையாள படத்தை சந்தோஷ் நாயர் என்பவர் இயக்கவுள்ளார்.
ரங்கீலா' என்று இந்த படத்தின் டைட்டிலாக முடிவு செய்யப்பட்டுள்ளதாகவும், இந்த படத்தில் சுராஜ் மற்றும் சலிம்குமார் ஆகியோர் முக்கிய வேடத்தில் நடிக்கவுள்ளதாகவும், இந்த படம் குறித்த அதிகாரபூர்வ அறிவிப்பு இன்னும் சில நாட்களில் வெளியாகவுள்ளதாகவும் கூறப்படுகிறது.