மீண்டும் தமிழ் படத்தில் சூப்பர் டான்ஸ் ஆடும் சன்னிலியோன்: ஹீரோ யார் தெரியுமா?
- IndiaGlitz, [Saturday,March 13 2021]
பாலிவுட் கவர்ச்சி நடிகை சன்னி லியோன் தமிழில் கடந்த 2014ஆம் ஆண்டு வெளியான ’வடகறி’ என்ற திரைப்படத்தில் ஒரு பாடலுக்கு நடனமாடினார் என்பது தெரிந்ததே. மேலும் அவர் தற்போது தமிழில் ’வீரமாதேவி’ என்ற திரைப்படத்தில் நடித்து வருகிறார் என்பது குறிப்பிடத்தக்கது
இந்த நிலையில் மீண்டும் தமிழில் ஒரு திரைப்படத்தில் சூப்பர் டான்ஸ் ஒன்று ஆடுவதற்காக ஒப்பந்தம் செய்யப்பட்டுள்ளதாக தகவல்கள் வெளிவந்துள்ளன. நீண்ட இடைவெளிக்குப் பின் கார்த்திக் மற்றும் சுகன்யா நடிக்கும் திரைப்படம் ’தீ இவன்’ என்றும் இந்த படத்தை இயக்குனர் ஜெயமுருகன் என்பவர் இயக்கி வருவதாகவும் வெளிவந்த செய்தியைப் பார்த்தோம்
இந்த படத்திற்காக மும்பையில் ஒரு மாஸ் செட் ஒன்று போடப்பட்டு இருப்பதாகவும் இதில் படமாக்கப்படும் பாடல் காட்சி ஒன்றில் கார்த்திக் மற்றும் சன்னிலியோன் நடனமாட இருப்பதாகவும் தகவல்கள் வெளிவந்துள்ளன
மேலும் இந்த படத்திற்காக ஒரு பைக் ஸ்டண்ட் காட்சி எடுக்கப்பட்டதாகவும் அப்போது ஸ்டண்ட் நடிகர்கள் உதவியின்றி, டூப் இன்றி கார்த்திக் அவராகவே பைக் ஸ்டண்ட்டில் ஈடுபட்டதை பார்த்து ஸ்டண்ட் கலைஞர்கள் ஆச்சரியம் அடைந்ததாகவும் இயக்குனர் ஜெயமுருகன் தெரிவித்துள்ளார்
கார்த்திக் ஜோடியாக சுகன்யா நடிக்கும் இந்த படத்தில் ஐஸ்வர்யா லட்சுமி, ஜான் விஜய், இளவரசு உள்பட பலர் நடித்து வருகிறார்கள் என்றும், இந்த படம் அண்ணன்-தங்கை கதையம்சம் கொண்ட ஒரு சென்டிமென்ட் படம் என்று கூறப்படுகிறது. கடந்த 80,90களில் நவரச நாயகனாக தமிழ் திரையுலகில் வலம் வந்த கார்த்திக், மீண்டும் கதாநாயகனாக ரீஎண்ட்ரி ஆகியுள்ளார் என்பது குறிப்பிடத்தக்கது,.