అందుకే...ట్విట్టర్ లో లేనంటున్న సునీల్...
- IndiaGlitz, [Thursday,February 18 2016]
ఇప్పుడు ఎవ‌రికైనా ట్విట్టర్ - ఫేస్ బుక్ అకౌంట్ ఉంటుంది. అదే సినిమా హీరోల‌కైతే ఖ‌చ్చితంగా ఉంటుంది. వాళ్ల సినిమా విశేషాలు - వివ‌రాల‌ను ఎప్ప‌టిక‌ప్పుడు ట్విట్టర్ - ఫేస్ బుక్ ద్వారా తెలియ‌చేస్తున్నారు. అంతే కాదు టీజ‌ర్ - ట్రైల‌ర్ ను కూడా ట్విట్టర్ లోనే రిలీజ్ చేస్తున్నారు. అయితే క‌మెడియ‌న్ ట‌ర్న‌డ్ హీరో సునీల్ మాత్రం సోష‌ల్ నెట్ వ‌ర్కింగ్ సైట్స్ లో క‌న‌ప‌డ‌డం లేదు.
దీనికి కార‌ణం ఏమిట‌ని సునీల్ ని అడిగితే...ట్విట్టర్ లో అకౌంట్ నేను ఎప్పుడో స్టార్ట్ చేసాను. అలా స్టార్ట్ చేసానో లేదో ప‌ది వేల మంది ఫాలోవ‌ర్స్ వ‌చ్చేసారు. అయితే చిరంజీవి గారి పుట్టిన‌రోజు నాడు ఆయ‌న‌కి విషెస్ ట్విట్టర్ లో చెప్ప‌లేద‌ని న‌న్ను చిరంజీవి గారి ఫ్యాన్ కాద‌న్నాడు ఎవ‌రో ట్విట్టర్ లో. అప్పుడు చిరంజీవి గారు ట్విట్టర్ లో లేరు..ఇంటి ద‌గ్గ‌ర ఉన్నారు ఇంటికెళ్లి విషెస్ చెప్పేసి వ‌చ్చాను అని ట్విట్టర్ లో చెప్పాను. ట్విట్టర్ లో విషెష్ చెప్ప‌లేద‌ని న‌న్నుచిరు ఫ్యాన్ కాద‌న‌డంతో నాకు కోపం వ‌చ్చింది. ఇక అప్ప‌టి నుంచి ట్విట్టర్ ఆన్ చేయ‌డం మానేసాను అని చెప్పారు సునీల్. అది సునీల్ ట్విట‌ర్ లో క‌న‌ప‌డ‌క‌పోవడానికి కార‌ణం.