సునీల్ సంద‌డంతా అప్పుడే..
- IndiaGlitz, [Tuesday,May 22 2018]
‘నువ్వేకావాలి’ సినిమాతో హాస్య‌న‌టుడిగా ప‌రిచ‌య‌మైన సునీల్.. అన‌తి కాలంలోనే టాప్ క‌మెడీయ‌న్‌గా పేరు తెచ్చుకున్నారు. అనంతరం హీరోగా మారిన ఈ కమెడీయన్ ఆరంభంలో కొన్ని విజయాలను సొంతం చేసుకున్నా.. తర్వాత వరుస ప‌రాజ‌యాల‌తో రేసులో వెనుక‌బ‌డ్డారు. కట్ చేస్తే.. మళ్ళీ పూర్తి స్థాయిలో హాస్య పాత్ర‌ల‌తో బిజీగా మారిపోయారు. ప్ర‌స్తుతం సునీల్.. శర్వానంద్, సాయిపల్లవి జంటగా నటిస్తున్న ‘పడి పడి లేచె మనసు’ చిత్రంతో పాటు.. ఎన్టీఆర్ హీరోగా తన స్నేహితుడు త్రివిక్ర‌మ్ రూపొందిస్తున్న ‘అరవింద సమేత వీర రాఘవ’ సినిమాలోనూ పూర్తి స్థాయి హాస్య న‌టుడి పాత్ర‌ల్లో న‌టిస్తున్నారు.
అలాగే ర‌వితేజ కొత్త చిత్రం ‘అమర్ అక్బర్ ఆంటోనీ’లోనూ ఓ ఫుల్ లెంగ్త్ రోల్ చేస్తున్నారు. ఈ సినిమాలన్నీ కూడా ఈ ఏడాది ద్వితీయార్థంలోనే విడుదల కానుండ‌డం విశేషం. మరోవైపు.. భీమనేని శ్రీనివాస‌రావు డైరెక్షన్‌లో తెరకెక్కుతున్న ‘సిల్లీ ఫెలోస్’ సినిమాలోనూ అల్లరి నరేష్‌తో కలిసి హీరోగా తెరను పంచుకుంటున్నారు సునీల్. ఈ సినిమా కూడా ఈ ఏడాది ద్వితీయార్థంలోనే రిలీజ్ కానుంది. మొత్తానికి.. సునీల్ సంద‌డంతా ఈ ఏడాది సెకండ్ హాఫ్‌కే ప‌రిమితం కానుంద‌న్న‌మాట.