అంధుడిగా సునీల్
- IndiaGlitz, [Wednesday,June 12 2019]
అప్పుడెప్పుడో ఆర్పీ ప‌ట్నాయ‌క్ 'శీనువాసంతి లక్ష్మీ' చిత్రంలో, మొన్నటికి మొన్న ర‌వితేజ 'రాజా ది గ్రేట్‌'లోనూ, ఆది పినిశెట్టి 'నీవెవ‌రో'లో బ్లైండ్ కేర‌క్ట‌ర్ చేశారు. అప్పుడ‌ప్పుడూ ఇలాంటి చాలెంజింగ్ రోల్స్ చేయ‌డానికి చాలా మంది ఆస‌క్తి చూపుతూ ఉంటారు. ఇప్పుడు వారి స‌ర‌స‌కు చేరారు సునీల్. తాజాగా ఆయ‌న అంధుడి గెట‌ప్ వేయ‌డానికి సిద్ధ‌ప‌డుతున్న‌ట్టు ఫిల్మ్ న‌గ‌ర్ టాక్‌. హిందీలో ఆయుష్మాన్ ఖురానా న‌టించిన 'అంధాదున్' తెలుగులో రీమేక్ కానుంది. ఈ సినిమాలో న‌టించ‌డానికి సునీల్‌ని సంప్ర‌దిస్తున్నారు.
సునీల్ కి ఇప్ప‌టికే ఆ పాత్ర మీద ఆస‌క్తి ఉన్న‌ట్ట వినికిడి. కాబ‌ట్టి సునీల్ డేట్లున్న ఇద్ద‌రు, ముగ్గురు నిర్మాత‌లు 'అంధాదున్' రీమేక్ రైట్ల కోసం కుస్తీ ప‌డుతున్నారు. మ‌రోవైపు అల్లు అర్జున్‌-త్రివిక్ర‌మ్ కాంబినేష‌న్‌లో వ‌స్తోన్న సినిమాలోనూ, ర‌వితేజ 'డిస్కోరాజా'లోనూ సునీల్ కీల‌క పాత్ర‌లు పోషిస్తున్నారు. హీరో నుంచి క‌మెడియ‌న్‌గా ట‌ర్న్ అయిన సునీల్‌కు ఇటీవ‌ల విడుద‌లైన 'చిత్ర‌ల‌హ‌రి' ఫ‌ర్వాలేద‌నిపించింది. మిగిలిన సినిమాల ప‌రిస్థితి విడుద‌లైతేగానీ చెప్ప‌లేం.