పుష్ప ది రైజింగ్.. సునీల్ మరీ ఇంత క్రూరంగానా, భయపెడుతున్న మంగళం శ్రీను
- IndiaGlitz, [Sunday,November 07 2021]
ఐకాన్‌స్టార్ అల్లు అర్జున్, సుకుమార్ కాంబినేష‌న్‌లో తెరకెక్కుతున్న చిత్రం పుష్ప. రెండు భాగాలుగా తెరకెక్కుతున్న ఈ చిత్రంలో తొలి పార్ట్‌ని ‘‘పుష్ప ది రైజింగ్ ’’ పేరిట డిసెంబర్ 17న మూవీ విడుదల చేస్తున్నారు. ఇప్పటికే ఈ సినిమాకు సంబంధించి విడుదలైన టీజర్లు, పోస్టర్స్, లుక్స్, పాటలు అంచనాలను పెంచేశాయి. తాజాగా ఆదివారం ‘‘ పుష్ప ది రైజ్ ’’ నుంచి మేకర్స్ సునీల్ పాత్రకు సంబంధించిన లుక్‌ను విడుదల చేశారు. మంగళం శ్రీనుగా సునీల్ ఈ చిత్రంలో క‌నిపించ‌బోతున్నారు. ఈ లుక్ చూస్తే భ‌యం గొలిపేలా ఉంది. సునీల్ త‌లపై పెద్ద‌గా వెంట్రుక‌లు లేవు... పిల్లి క‌ళ్లతో చేతికి ఉంగ‌రాలు, మెడ‌లో చైన్స్ వేసుకుని ఫోన్‌లో ఎవరితోనో సీరియస్‌గా మాట్లాడుతున్నాడు. ఇప్ప‌టి వరకు కమెడియన్‌గా మెప్పించిన సునీల్ .. ఈ స‌రికొత్త గెట‌ప్‌తో ఎక్స్‌పెక్టేషన్స్ పెంచేశాడు.
సునీల్ లుక్ చూస్తుంటే త‌ను విల‌న్‌గానే క‌నిపించ‌నున్నాడ‌నేది తెలుస్తుంది. త‌న పాత్ర స్వ‌భావ‌మేంటి? తీరు తెన్నులు ఎలా ఉంటాయో తెలియాలంటే డిసెంబర్ 17 వరకు ఆగాల్సిందే. మరోవైపు పుష్పలో మ‌ల‌యాళ స్టార్ ఫ‌హాద్ ఫాజిద్ భైర‌వ్ సింగ్ షెకావ‌త్ అనే ఐపీయ‌స్ ఆఫీస‌ర్ పాత్ర‌లో క‌నిపించ‌బోతున్నారు. అల్లు అర్జున్, పుష్ప‌రాజ్ అనే లారీ డ్రైవ‌ర్ పాత్ర‌లో, ర‌ష్మిక మంద‌న్న... శ్రీవ‌ల్లి అనే పాత్ర‌ను పోషిస్తున్నారు. 1980లలో చిత్తూరు జిల్లా శేషాచ‌ల అడ‌వుల్లో జ‌రిగిన ఎర్ర‌చంద‌నం స్మ‌గ్లింగ్ నేప‌థ్యంలో ఈ చిత్రాన్ని రూపొందిస్తున్నారు. మైత్రీ మూవీ మేకర్స్, ముత్తం శెట్టి మీడియా సంస్థ‌లు ఈ చిత్రాన్ని నిర్మిస్తుండగా.. దేవిశ్రీ ప్ర‌సాద్ సంగీతం అందిస్తున్నారు.