సందీప్ కిషన్ తో మూడోసారి జత కడుతుంది
- IndiaGlitz, [Thursday,May 05 2016]
క్రియేటివ్ డైరెక్టర్ కృష్ణవంశీ దర్శకత్వంలో సందీప్ కిషన్ హీరోగా ఓ చిత్రం రూపొందుతోన్న సంగతి తెలిసిందే. ఈ చిత్రం ఇటీవలే లాంచనంగా ప్రారంభమైంది. పోలీస్ కావాలనుకునే ఓ యువకుడు కథాశంతో రూపొందుతోన్న ఈ చిత్రంలో సందీప్ కిషన్ తో ఎవరు జత కడతారనే పలు వార్తలు వినపడ్డాయి. ముందుగా సందీప్ సరసన నందిత పేరుని పరిశీలించారు.
అయితే ఇప్పుడు సందీప్ సరసన రెజీనాను హీరోయిన్ గా తీసుకోవాలనుకుంటున్నారని విశ్వసనీయ వర్గాల సమాచారం. గతంలో సందీప్, రెజీనాలు కలిసి రొటీన్ లవ్ స్టోరీ, రా..రా కృష్ణయ్య చిత్రాల్లో కలిసి నటించారు. ఇప్పుడు మూడోసారి ఇద్దరూ వెండితెరపై కనిపించనున్నారు.